Claymo Suryoyo mati lu final Emwothoyo

Me Bethqustan lu athro d’Swisra u dı Almanya leşan dmisım u detektor hatho dkobıc dsamle Markus Acar dkıtyo abro d’iqartho Suryoyto.

 U Markus cama hawroneyde fayış lu fina du muroyo da tarımyotho du xloqo du teknik hatho, bu darğo da yolufe dkıtne bi madraşto mescoyto.

 Markus Acar dkıtyo u abro d’Acar dıkhoye bi qritho d’Qelıtmar elo bu şerşo dkıtyo me Bethqustan, mati lu final du muroyo da tarmiyotho hathe dıkmisomi beyn da yolufe da madraşyotho mescoyto beyn Emwothoyo.

U Markus dkıtyo Suryoyo me nacmuthe kıtwole marak lu teknik, mawxa qulnaqla dhawi muroye qlimoye aw athronoye, mıştawtafle eleye ba mkone dkıtwole.

Bıthır me mıştawtfonutho da muroye qlimoye adşato, huwe u mnaqele kımo hawrone acme mu Sin ume Yaban, mqadamle i tarmitho dkıtwole brişe la muroye baynoemwothoyo dkıtne me 500 tarmiyotho dıbritho.

İ tarmithayde mahıtoyo cal syomo d’dedektor hatho dkıtyo btimo şwayo. Bıthır mıd mati lu final dkıtyo beyn 3 farsufe, u Markus kıtle haymonutho dhowe u qamoyo. İnaqla dhowe u qamoyo beyn da 500 tarmiyotho, gıdqathe zedqe dızze l’Swisra u l’Almanya leşan dmanhıt la haye i tarmitho dımhadrole. Bu mamleyde komır; Kobacno ışmoste dhowe dobeno nahirutho lı britho.