Claymo Suryoyo qtil b’Linköping bu athro du Swed

U qatlo u mhoyo u terizo da zayne dımqabıl da bnaynoşo kımdawım bu athro du Swed b’mdinotho mşahılfe. Athmıl hedor i şoctho da hdo blalyo qtil farsufo mu cameydan bi mdito d’Linköping bi şawtho d’Lambahov.

Athmıl hedor di şoctho hdo dıblalyo, athi tebo la pwelıs di mdito d’Linköping  dımfarqıc zayno bi şawtho d’Lambahov, inaqa dmatın a’powelıs lu adress dmir hzelın farsufo mhalqo cali yarco u dkıtyo mçarho yaquro. Bıthır mıd mawbıl la bethkrihe a’osawotho lıqadiri maxılsile ma jurhe dı qayıthwole ma zayne dmarisi acle.

U farsufano magle dkıtyo ha ma abne du cameydan dkıtyo bcımro da 34 ışne u babo dı 3 nacimeyo. U claymo Suryoyano qtil bu zabno dkıtwe dacoro lu bayto bıthır mdımkamewole şuğlone dsımwole l’ha farsufo dkıtyo haloqo.

Bıthır mu qatlano a’bnaynoşo dıkhoyın bi şawtathe hawilin zuctho dı fayış bkul duktho kibe dhowe qatlo, ba maqıblonwotho dsımle u radyo du Swed bi şawthathe mahwele da bnaynoşo ktocni xamo rabo dilonoyith ba 5 yarhe haroyani belhude bi mdito d’Linköpingqtil 4 farsufe me noşe dı latne idice.

Bi mawdconutho dmıdlan mu ahıl du mnohnafşo heş latyo idico man qtile u farsufano wa Pwelıs dmıdlın i sbuthatthe şatiqene ulı kubci dmahkın mede.