Claymo Suryoyo qtil bu athro du Swed

Ninos Minason dkıtyo abro mdu cameydan, athmıl bi şoctho da 11 qtil bi şawtho d’Geneta d’Södertelje du Swed.

U mnohnafşo du Ninos dmawlıd ban 1980 me abohe Hanna Minason u Meryem mi iqartho d’be Hafo, ba buğre dmarıs acle mvayacle a hayeyde.

U mnohnafşo du Ninos dkıtyo u abro d’Hanna Minason dıkmidic u Hanna Aşuri dkıtwole tre ahunone u hdo hotho dkıtne Jonny Bobel u Ninwe u mzawğowo cam Mariya Minasson dkıtlın 4 nacime, du rabo dkıtyo cımre 14 u nacimo 6 eşne. U Ninos dkıtwe abro d’iqartho umthonoyto hzewole ruhe ba şutose du cameydan u dilonoyith bi gudo d’esfirreğlo d’Assyriska dmıştacele eba u bebzabno madraşle gude da nacime zabno yarixo.

U mnohnafşo mi nucmutheyde cawodo u mcawanwo da sniqoye u bıthır mıd hawi haloqo, mşarele dhowe moro d’matıcme resturange. I barthzawgeyde i Maria kımmo; Babo rohumo da nacimeyde’we u bebzabno farsufo dkıtwa ide ftıhto u sanodo la sniqoye’we.

Lfuth u tbocofroso du qlimo, athmıl bu zabno dkıtwe nafoqo mi dukano du Willys, farsufe dkıtwe mkasyo marısle buğre acle u dmıdwole qdole nişo u hawxa bşıkıl d’şnoqo qtil. I celtho du qatlano dheş latyo idicto, a powelıs lo mawdaclın dımsıklın noşo, elo kımmi dmatilın mawdconutho tawto mu camo.