19/09/2020

Dacış kımtayıb plan dmofıq ahadomeyde mu hbuşyo

Lfuth Amerika, walaw a ğrube marhıbone d’Dacış jbiri dnufqi me Suriya u dı qtil mınyono celoyo ma rişonathe, heş kımdawmi dmarwıhi u dmaqwın ruhaye bı britho.

 U mşalo du qentrun Athronoyo dkıtyo mqabıl di marhıbonutho Christopher Miller mawdacle, da marhıbone d’Dacış kımtaybi plan dmawfıqi a marhıbone dkıtne ba hbuşye da hayle d’QASAD. Bı taşroro ğnizo dmagle mawdıcste, du rişono d’Dacış al Mawla, meqım muxabar/goşuşo d’Amerika’we 

Christopher Miller dkıtyo u mşalo du qentrun Athronoyo d’Amerika mqabıl di marhıbonutho mawdacle, da ğrobe marhıbone d’Dacış kımdawmi dmahwın dkibın dımtaksi u dmaqwın ruhaye walaw hzelın hani 6 eşne husronoo rabo bu ağuno caşino dhiw mqabıl dıthe.

Ucdoste marhıbone mahıte u yuqrathe, dmarfın a yasire wa yaqrothathe dkıtne bidothe da Haylawotho d’Suriya Demoqraoyto bu garbay madınho d’Suriya. Miller mawdacle, d’Dacış larwal d’Suriya u du Iraq, kımnase bu darbo du nawlo Emwothoyo dmaqwe ruhe u kıtle hol 20 dafe frişe u dilonoyith b’Afriqya qawın a marhıbone elo heş kımnasın dsaymi hjome ban athrawotho du macırbo.

Wa cuqobe cala marhıbonani, heş kımdawmi b’Suriya u bu Iraq. Me gabo hreno bu taşroro dıfrısle u akademi du gayso d’Amerika b’West Point b’New York maglele, du rişono du tukosano u marhıbono Al Mawla, meqım goşuşo aw farsufo dıknoqalwo mawdconwotho ğnize l’Amerikawe.

Bu taşrorano, mawdıcste cala buqore dsimi cam Al Mawla inaqla dımsıkwo ba 2000 bu zabno dkıtwe b’al Qacida u ba 2009 meqım dmitarfe, maglewole cala eşmone d’88 marhıbone uğer mawdconwotho ğnize. Bıthır mu qatlo du rişono Abu Bakır Al Bağdadi, mnaqewo Al Mawla rişono hatho l’Dacış. Leşan u msokaydeste, mbayanla Amerika 10 milyone dolare lu ha dkıtle mawdconutho cali duktho dıktole ruhe.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…