Dacış mıdle imşalutho da hçome dsimi calu kahrobo bu Iraq

A ğrobe marhıbone d’Dacış mıde i mşalutho da hçome dsimi cal 68 camude rişoye du nqolo du kahrobo bu Iraq u gzımlın, dgımahrıwi u bınyono tahtoyo du athro.

Me gabo hreno mcal fothe du qetrano du kahrobo bu Iraq, athmıl naqla hreto u camo kfix la zabuqone u mtayable tagliyotho u krıhle i aykanoyutho harıwto du athro.

 Kull hçomo dıkmisım bu Iraq, kımoyıd u tukoso marhıbono d’Dacış i mşalutho u kmıstacmele xıd propaganda l’ruhe. Ucdo’ste i mğaltho du tukoso marhıbono mawdacla, dhınne mahrawlın 68 camude du kahrobo b’dukotho frişe du athro u trelın ba milyone dıbnaynoşo dlo kahrobo-bu zabnano di şhantho du qayto dıkmıtyo i daraçe la 50.

A marhıbone mawdaclın, u nişo da hçomani dsimi b’zabno d’35 yawme-a camude du kahrobo’wın. Bebzabno Dacış gzımle, da hçomathe gıdmdawmi cala dukotho ulsoye du bınyono tahtoyo du Iraq; beynothaye a macımle da maye du athro. Cali aykanoyuthathe’ste, a hayle di mşaynutho mabdelın droşe aydarbo gıdmhamın a dukotho du kahrobo.

Mqabıl du qtocano du kahroboste, ba mowat d’Iraqoye kfixi la zabuqone d’mdinotho frişe du taymno du athro ulu macımlo du kahrobo di şultonutho b’Karbala. A mtagliyone tlıbbe baroyo dmicadli a macımle du kahrobo dloste, gıdmdawmi dfayşi ba zabuqone hol dmicadli.

İ sagiyoyutho da mtagliyonani gabre’wın u hçımlın cal radoyto dımşalo Iraqoyo u mahrıwolın. Ha ma mtagliyone’ste mırle; Ahna mtagliyone mşayne’na u layimina harke, leşan dmaydina a zedqaydan wu talabaydan’ste, dmitadcır u kahrobo u dloste, gıdmarkıwina naqla hreto a xaymothaydan ba zabuqone.