05/04/2022

Dafe Kurdoye frise tebo can u hÇomo calu Mawtbo Fulhoyo Suryoyo

Me gabo hreno, dafe frişe da Kurdoye du garbyo du Cıraq, grışlın u zuhoro calu hçomano dsımla Turkiya cala Mharbone du Mawtbo Folhoyo Suryoyo. Ba dafani mawdıc di şultonutho Turkoyto, mıdla ğalabe naqlat a fınyotho du garbay madınho d’Suriya-dilonoyith di Hasake bi Gozarto d’Bethnahrin, nişo la hçomayda.

05/04/2022

Adawma’ste frısse dafe frişe du qlimo d’Kurdistan du Cıraq tebe calu hçomo dsımwola tayosto dlo pilot d’Turkiya cali fnitho d’Tel Temır bi Gozarto d’Bethnahrin u dhawi u hçomano celtho, dmiçarıh 2 ma Mharbone du Mawtbo Folhoyo Suryoyo-MFS.

Ba dafani da Kurdoye; beynothaye Rudaw u Bas News wi Mşatasto da zedqe noşoye d’Suriya dkıtyo u qentrunayda b’Britania mırlın; Rabhaylawotho Mşihoyo beyn da hayle d’QASAD, mçarıh bu hçomo dsımla Turkiya acle.Tayosto dlo pilot d’Turkiya, mhewola yawme d’Huşabo d’şafıcina cali radoyto d’Orom Mawrawgi dkıtyo bi mdabronutho gawonoyto du Mawtbo Folhoyo Suryoyo u d’Mharbono hreno b’Tel Temır.

A dafe mawdaclın du rabhaylawotho udu Mharbono hreno d’MFS, saymiwo cam dawriye Rusoyto i nuqazto du kahrobo d’Tel Temır bu zabno dsim u hçomano aclaye. U hçomano sim kmo şoce, bıthır mıd a hayle Turkoye mhewolın naqla hreto ba qıryawotho du camaydan b’Dırdara, Tel Şınan u Tel Tawila b’Tel Temır u Zirgan b’Hasake.

A dafe Kurdoye wi Mşatasto da zedqe noşoye d’Suriya kımawdıci, du Mawtbo Folhoyo Suryoyo dkıtyo haylo folhoyo du camo Suryoyo Othuroyo Kaldoyo Oromoyo, mşataswo ba 2013 uha ma hayle mşatsone da Haylawotho d’Suriya Demoqratoyto’yo, du nişathe dımhafdi i mşaynutho da came frişe dıkhoyın bu garbay madınho d’Suriya’yo.

Bebzabno mawdıc, da hayle Turkoye uda marhıbone noqufathe htıflın hol 700 farsufe; mçarahlın 134 ba hçome dsımlın calu qlimano ba 2021. Bu qlimano’ste sim 47 hçome di naşfe u 89 hçome b’tayosyotho dlo pilote. Ma 2016 uholucdo, sımlın a hayle Turkoye 3 hamlat d’cuqobe-d’2 menaye simi cala hayle Kurdoye.