DAŞTO D’NINWE: U dcoro da Mşihoye Ciraqoye la fenyothathe wa zawhe da Oşacne dsimi bi daşto, kobın sabro d’haye hathe

I dafo Amerikoyto d’Angilos dıkmcaqbo a Mşihoye dbritho, mawdacla da zawhe uda hfitwotho du cedo da Oşacne dsimi bi daşto d’Ninwe wu dcoro da haye lu kyonathe, kımaydi duktho dilonoyto u ulsoyto beyn da hfitwotho dıksaymi a Mşihoye dbritho bi şabtho du haşo.

Bu taşroro d’Angilos griş u zuhoro cal ban alfaho dıbnaynoşo dmıştawtafwolın yawme d’Huşabo dşaficina lu zawho da Oşacne ba zabuqone d’Bağdede dkıtyo i mditho rabtho du camaydan bi daşto d’Ninwe, udmidowa nişo lu qtolcamo du tukoso marıhbono d’Dacış ba 2014. I dafo d’Angilos mawdacla’ste dıkmıtyaqno dmıştawtıf kunoşe rabe d’camo la zawhe di Cruto du Haşo udu cedo di Qyamto.

U Kohno di marcitho d’Bağdede qaşişo Nacim Shuşandi bi maqırhonutho dhule li dafo d’Angelos mawdacle da Msihoye di daşto d’Ninwe udu Ciraq malyene sabro u fsihutho cal d’ğalabe menaye lo qadriwo ba nesyune dhawın dımcaydi i şabtho du Haşo, elo adşato ban alfayo mcayadlın a Oşacne ftiho ba zabuqone dlo zuctho u mawdaclın i haymonuthathe i Mşihoyto. Qasiso Shuşandi grişleste u zuhoro cal 50 yaqrotho d’daciri adşabtho l’Bagdede, leşan dsaymi socurwotho la yaqrothathe u dmacişi a cyodathe.

Qashisho Shushandi diqtilwo u ahunayde bu Tarmo d Odör di sato da 2014 ma grube marihbone di Dacis mirleste u mede dihzelan yawme d,Husabo kmadil di Msihoyutho bu Ciraq hes haytoyo. A citothaydan latne malye, elo u dusno rabo dqayithlanyo dqadrina dniqsina m,hatho a noquse di cito bu Ciraq bithir mu masiqlo di Dacis. Camgabedathe athmıl a citotho Qatholiqoyotho dbritho mcayadlın u duxrono du teşiğo da rağlotho da talmide d Moran Yeşuc Mşiho.

Bi qastra d’Ankawa u fatiryarxo di cito d’Madinho Othuroye Mor Awa Roel maşığle raglothe d’12 nacime di marcithayde bu tekso ruhonoyo dımraysanle bi cito d’Mor Yuhanon Macmıdono. Bebzabno u hasyo di marcitho Kaldoyto d’Arbil maşığle raglothe da şamoşe nacime bi cito d’Yuldath Aloho. U xıd kull şato, u Papa du Vatikan Mor Fransis Qadmoyo sımle athmil socurutho la hbişoye du hbuşyo dkıtyo qariwo l’Roma, u maşiğle raglothaye u nşiqile xıd remzo di makixytho, di hubo udu şbuqyo d’Moran Yesuc Msiho.