17/05/2021

Dayroyo Josef Bali mraşıh li hasyutho

U mdabrono du tboco froso fatıryarxoyo dayroyo Josef Bali, gıdmitasrıh lu darğo di hasyutho xıd notarrozo fatıryarxoyo di cito Suryoyto Ortodoksoyto bı Darımsuq.

 Lfuth i dafo fatıryarxoyto, dayroyo Josef Bali dqayıthle i sagiyutho da qole di Sunados Mqadaşto, 25 bu yarho dı Hzirın dıbqamuthayna gıdmitasrıh hasyo hatho li cito Suryoyto Ortodoksoyto.

İ qadişutho du fatıryarxo di cito Suryoyto Ortodoksoyto Mor İğnatiyos Afrem Trayono, mraşahle u mdabrono du tboco froso fatıryarxoyo dayroyo Josef Bali laşan dhowe hasyo notarrozo fatıryarxoyo. Dayroyo Josef dqayıthle i sagiyutho da qole da hadome di Sunados Mqadaşto, 25 bu yarho d’Hzirın dıbqamuthayna gıdmitasrıh hasyo bu syomido di qadişutho du fatıryarxo bi cito d’Yuldath Aloho dkıtyo bu qentrun fatıryarxoyo di Catşane b’Lebnon.

Dayroyo Josef Bali mawlıd bi mditho d’Bayrut i şato da na’1983, i şato da 2004 qayıthwole sohdutho bu haqlo du fizik mi bethsawbo Amerikoyto d’Bayrut, ubi şato da 2007 qayıthwole sohdutho du majıster bu haqlo du filosofi mcayni bethsawbo. Bıthır mathe bcayni şato mıştawtafwole li bethsawbo d’Mor Afrem Suryoyo di thiyoloğiya bi Mcartho d’Saydnaya b’Darımsuq. İ şato da 2008 masrahwo dayroyo ubi şato da 2011 Aloho maşwele lu darğo di kohnutho.

İ şato da 2015, fatıryarxo Afrem mbayanwole dayroyo Josef li wolitho d’notarrozo fatıryarxoyo u mdabrono du tboco froso fatıryarxoyo, ubi şato da 2019 qayıthwole sohdutho bu darğo di doktora bu haqlo du filosofi mi bethsawbo d’Athina du Yawnan.

Dayroyo Josef Bali mi şato da 2015 uhul ucdo, huwweyo dıkmawfıq i mğaltho fatıryarxoyto, u kforıs a’tebe yawmonoye ba dafe ruşmoye di fatıryarxutho.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…