05/02/2023

Duxrono şatonoyo d’malfono Naum Elias Yahqub Palakh

Adyawma-hamşo bu yarho d’Şbot, u yawmo dınqılwo Naum Elias Yahkub Palakh-Naum Faiq, ma haye’yo. Naum Faiq idicoyo beyn du camaydan xıd malfono, gelyunoro u mothonoyo dobacwo u huyodo du camaydan. Naum Faiq, mawladwo b’Omid bu yarho d’Şbot dan 1868, u nqılwo ma haye b’New Jersey d’Amerika hamşo bu yarho d’Şbot dan 1930.

05/02/2023

Ha ma man abne du camaydan dıkthuwle ışme bu makthabzabno du camaydan, Naum Faiq’yo dkıtyo ışme u şroro Naum Elias Yahkub Palakh. Naum Faiq dmawlıd bi mdito d’Omid ban 1868, hawile fulhone b’haqle mşahlıfe u mawfaqle mğale xıd; Kukwo d’Madınho, Huyodo, Shiforo, Bethnharin uğer.

Bıthır mi madraşto maqrewole Naum Faiq b’qritho qarıwto l’Omid u bıthır’ste b’Urhoy, Adiyaman u Hımıs u dacıri bi harayto naqla hreto l’Omid. Naum Faiq kthuwle mınyono dkthowe calu leşono Suryoyo ucalu camaydan. Mcal fothe da rdufye di mamlaxtho da Cuthmanoye, mgalwewole Naum Fail ban 1912 l’Amerika.

Bu athro d’Amerika’ste mdawamwole malfono Naum Faiq bu kthowo. U mawto di barthzawgayde m’atharwole cal Naum Faiq u bıthır b’5 Şbot dan 1930, nqılwo  huweste ma haye b’New Jersey d’Amerika. U camaydan dıkhoye b’Suriya ubi golutho, kull şato kımathkır u kısoyım u duxrono d’malfono Naum Faiq.