23/04/2020

Emotho mhaydotho sımla qroyto li şultonutho du Iraq dmeydo tedbire mqabıl du cnufyo dıkmisım cala neşe

Emwotho Mhaydotho sımla qroyto li şultonutho du Iraq, dımtabqo a qonune mqabıl du cnufyo dıqaşi cala neşe ba botathe.

 İ qroytathe d’Emwotho Mhaydotho simo, bıthır mıd u tukoso Mşihoyo grışle u zuhoro calu cnufyo dzayıd ba bote, bu zabnano dmahıt mnoco du nfoqo du camo mcal fothe du virus d’Corona.

 U athro du Iraq, hani zıttır me 2 yarhe kımdawım a tedbirayde du mnoco du nfoqo du camo mcal fothe du virus d’Corona dtafi L’1,602 bnaynoşo u 83 farsufe hrene dınqili ma haye bu athro. Bu zabnano du camo dıjbir dfoyış bu baytoste, mawdıc du cnufyo bıgawe du bayto zayıd ğalabe.

 Calathe u tukoso Emwothoyo du Ğamo dcala Mşihoye, hani zabno grışle u zuhoro cali aykanoyuthathe wu ucdoste Emwotho Mhaydotho, bıdela dsaymo hboso cali şultonutho d’Boğdod dmaydo u şwolano bşıkıl jıddi li ido u dımtabqo a zedqe noşoye.

 Emwotho Mhaydotho, kubco di şultonutho dımahto qonuno mqabıl du cnufyo dkowe bu bayto, awkith, u cnufyo dıkmıstacmıl u gawro mqabıl di athto dlowe qonunoyo. U tukoso Mşihoyo m’akadle, du cnufyano buzyodo kowe beyn da yaqrotho Maşılmone dkızzın bıthre d’cadad ğalabe catiqe.