Emwotho Mhaydotho mzaharla calu qento da maye

Emwotho Mhaydotho mzaharla calu qento du kriz Emwothoyo dkito da maye mi celtho du tesfiro rabo da maye, u bebzabno mi celtho du şuhlofo du muzoğo.  

U lumodo da maye d’Emwotho Mhaydotho wi mtakasto d’Unesco bu taşroro mşawtfo dfrıslın, mawdaclın dkito hedor 2 milyare dıbnaynoşo b’ritho dlıkqathle maye nadife du ştoyo, ukito ste 3 milyare u 600 mılyune hrene dlıkmotelın mşablonutho tawto da maye.   

Bu şuroyo du taşroro dfris, u notarrozo gawonoyo d’Emwotho Mhaydotho Antonio Guterres mzaharle dbritho b’şıkıl samyo kımhalxo bu darbo du qento u mırle; i methhaşhonutho rabtho da maye dkıtne tahte di arco, u zawlo wu darğo di şhantho d’zayido b’britho, kmatimi hedi hedi a maye dkıtne u warido da haye di noşutho.   

Lfuth u taşroro dfris, ban 40 eşne haroyani i methhaşhonutho da maye b’britho zayido 1% kull şato. U taşroro komır’ste; Leşan dmınfıq mqabıl du sahwo, a bnaynoşo kmawfıqi kmoyutho ğalabe rabtho ma maye dkıtne bıgawe di arco, ubu şıklano me beyn d’100 hul 200 kilometre mkacbe da maye yedek tahte di arco, knuşfi kull şato.