Erdoğan tlıble dhowe dialog cam Amerika u Huyodo d’Urifi

Bıthır mıd Amerika wu Huyodo d’Urifi kıdorşi u kımtaybi ruhaye dmahti tedbire casye cal Turkiya, sımle u rişqutno Recep Tayip Erdoğan qroyto dmitabde dialog u dhowelın methcadronutho beyn hıdode.

 Bu mamlo dsımle athmıl Erdoğan mırle; A tedbire momunoye belhude gdobın husrono la gabe kulle. Aşwole d’Turkiya cama muttafikayda kibın dmışrın bu darbo du dialog.

A esore beyn d’Turkiya u Amerika, u d’Turkiya camu Huyodo d’Urifi hani zabno yarixo kımdawmi dmiwatın calu qedomo dhawila Ankara l’Woşington bi sbutho du sistem d’S-400 dızwınla me Rusya wu qetro di ithutho d’Turkiya bu madınho du yamo Mescoyo. Cala şwolaniste, Woşington u Huyodo d’Urifi kıdorşi a mkone du tehito dı tedbire casye cal Ankara.

Kımo şoce bıthır mıd u Huyodo d’Urifi huwle bahro yaroqo dmitahıt tedbire casye cal Turkiya, sımle u rişqutno Turkoyo mamlo u mırle; A tedbire momunoye belhude gıdobın husrono la gabe kulle. Aşwole d’Turkiya cama muttafikayda kibın dmışrın bu darbo du dialog u di methcadronutho.

Bebzabno Erdoğan tlıble mu Huyodo d’Urifi, dmaqım uhboso dıkmisım mu Yawnan u me Qufrus u mırle; Fawdo raboyo mqabıl d’Turkiya, da esore du Huyodo d’Urifi dmıhtofi, ma thome u ma idicat dhın athrawotho. Erdoğan mawdacleste d’Turkiya gıdmtaybo reforme hathe leşan u athro dhowe naqla hreto qentrun du groşo da socure u da şırak rabe dı britho.

Lfuth a hulmani d’Erdoğan; Turkiya gıdmihathıtho u gıdmıbnoyo me hatho u gıdhuwyo bu şıkılano, ha 10 athrawotho rişoye dı britho bu haqlo folitiqoyo, momunoyo u Emwothoyo u mbahasle bğer tarmıyotho dgımşawşıti u athro.