Erik İssaki mraşıh dmoyıd duktho bu kongres d’Amerika

Farsufo ma abne du cameydan u Kaldoyo mraşıh dmoyıd duktho bu Kongres d’Amerika mawdacle u rişono d’Amerika  Donald Trump bu dafeyde du twitter.

 Eric Eshaaki dkıtyo ma abne du cameydan u Kaldoyo du Iraq u babo ba şawciyat mgalwewole l’Amerika.

Erik Eshaaki dkıtyo babo d’2 nacime, kıtle fulhono di sniğrutho u bebzabno qrele u flıhle meqım xıd hamşira. Elo ucdo mraşahle ruhe xıd qoyumo li kongre d’Amerika ba guboye dıgmisomi bu yarho d’Teşrin u haroyo dıbqamuthayna.

Steve Eshaaki, ba 70’yat mgalwewole l’Amerika leşan dmarkıw a hayeyde bu athro. Eshaaki dımraşahle ruhe li qoyumutho di kongre d’Amerika, bu zabno du cowadayde xıd hamşira, hzele dkito lo kinutho mqabıl da kayiwe u dilonoyith mqabıl da sobe. Bıthır mıd lo mtahmele ilo kinuthathe nafıq mu şuğlo u bıthır ftıhle dacwa mqabıl du moro du şuğleyde.

Wu hathe trela Eshaak dımdawım bu yulfonayde leşan dhowe sniğro.Wu bıthır kımo eşne mkamele u yulfonayde u ucdo kıcowıd xıd sniğro b’Birmingahm d’Mişingen. U farsufano dkıtyo man abne du cameydan du Iraq knotır dminaqe qoyumo li kongre d’Amerika.