ESU bi egartheyde tlıble dmitowde bu Sayfo du cameydanste

U gabo du Huyodo da Mşihoye CU d’Hollanda, mqadamle rmoyto lu parlamento du athro, dmoyıd fusqono di şultonutho dmawdıyo bu Sayfo dan 1915.

 Bi sbuthathe u Huyodo Suroyo d’Urifi-ESU u ferco d’Hollanda, kıthuwole egartho lu gabo d’CU dmahıt ışme du cameydanste bi rmoytathe. Lfuth i mawdconutho dıfrısle u qoyumo Joel Vordewind, mahıt u ışmo du cameydan uda da Pontusoye’ste.

 Bıthır mıd u parlamento d’Hollanda mawdewole bu Sayfo dan 1915 dsımwo calu camo Suryoyo Othuroyo, Armınoyo u Pontusoyo mqadım rmoyotho mşahılfe leşan dmimid fusqono, di şultonutho du athroste dmawdyo bu Sayfo. Ba yawmotho d’şaficina u gabo du Huyodo Mşihoyo-CU mahıtwole bi tahraztayde dımqadım rmoyto lu parlamento leşan dmimıd fusqono di şultonutho dmawdyo bu qtolğenzo-u mbahaswo belhude calan Armnoye.

Calathe u Huyodo Suroyo d’Urifi-ESU u ferco d’Hollanda, mşadarwole egartho lu gabo mhanele cali rmoyto dımqadmo bi sbutho du qtolğenso dan Armnoye u tlıble mene dmahıt ışme du cameydan uda Pontusoyeste eba.

Lfuth i mawdconutho dfrısle bıthır u qoyumo du gabo Joel Vordewind mahwele du gabayde mahıtle u ışmo du camo Othuroyo-Oromoyo u Pontusoyo bi rmoytathe dımqadmo u kmıntır ba yawmotho dıbqamutheydan dmimıd fusqono acla bu parlamento. Bi mawdconutho dmıdlan me Hollanda, a gabe di saqıbloyutho xıdu gabo Mşihoyo Demoqratoyo, a gabe semoloye wa gabe yaminoye gıdobın u qolathe camu gabo d’CU dkıtyo u ha ma gabe di şultonutho.

Awkith u gabo d’CU kıtolıb mi şultonutho dkıtyo huwe’ste bıgawa-dmawdyo bu qtolğenzano. ESU mqadamle tahınyotho l’CU dmıdle u ışmo du cameydan’ste bıgawe di rmoytathe dmimıd fusqono di şultonutho dmawdyo bu Sayfo u dmitamır u qtolğenzo dhawi cala came-Oromoyo Othuroyo, Pontusoyo u Armnoyo.