ESU frısle buyono cala qatle faili meçhul da 80’yat da 90’yat

U Huyodo Suroyo d’Urifi ESU bu buyono dfrısle, grışle u zuhoro cala qatle du cameydan dhawınwo b’Turkiya ba 80’yat uba 90’yat bıthır ma droşe da thome dımşarelın beyn da grube di mafya udi şultonutho d’Ankara.

ESU bu buyoneyde komır; Ahna xıd ESU leşan dmitagle cala qatlani, gıdmdawmina i awyuthaydan cama hayle demoqratoye dkito b’Turkiya.

 U buyono d’ESU komır; Ba şabe haroyani naqla hreto mşarelın a droşe beyn di mafya udi şultonutho d’Turkiya cala qatle dmahıt ışmaye-u qatlo da sayomathe latne idice, dhawınwo ba 90’yat. Beyn da 17 alfo qatle dhawın mıdwolın nişo u camaydan u Suryoyo d’Turabdin u qtılwo qariwo l’60 farsufe man abne du cameydan.

ESU mırle; Wu hawxa mşarewola golutho rabtho l’Urifi uhul adyawma lo magle cala qatlano cıl mıd hawi talabe mu parlamento du athro. Ba 90’yat bu qlimo d’Turabdin jbir u cameydan dmaxle a qıryawotheyde, dhowe htofe, gzome u gunhe wu mnaqelın a farsufe idice nişo lruhaye u qtilınne.

ESU komır; A hawbani hawın cal idothe da hayle dkıtwın masre cami şultonutho. Bıthır ma hawbani dsimi, u camo Suryoyo jbir dnofıq mu athreyde u dımgalwe l’Urifi. Bu dumyano u camo Suryoyo mahıt bu qento u mahıt ido cala mulkone u arcothayde. Leşan dhowe şlomo u nihutho b’Turkiya, u dhowe tecwido da zedqe noşoye udi hirutho du maftahfemo, klozım dmitagle b’qrihutho cala qatle kulle dhawın ba 90’yat u dmiqadmi li kinutho.

ESU bu huthomo du buyonayde komır; Mawxa bu zabnano dıkmitagle cala esore da hayle catume uda esore dkito bgawe di qutnutho, klozım dhowe u ağuno b’Turkiya. Ahna xıd ESU leşan dmitagle cala hawbe da qatle da qotule latne idice, gıdmdawmina i awyutho du ağuno cama hayle demoqratoye dkıtne bu athro u ksaymina qrayto lu cameydan d’sonıd u ağunano.