ESU hawile 21 eşne di mşatis. Komqales a fulhone kulle dsımlın a hadome wa noqufayde bıgawe da eşnani u mırle; “ESU, hawi ha ma stunat qawye du camaydan”

BRUKSEL – U buyonano d’ESU ba melani kımşare; Bu siqumano d’15 İyor, kımcayıd u Huyodo Suroyo d’Urifi ESU u yawmo di mşatsonuthayde dsımwo bi arişkoyto d’Urifi-Bruksel, bi mıştawtıfonutho dımşadre me athrawotho frişe. Ba 20 eşne dfulhono leşan u camaydan u Kaldoyo Suryoyo Othuroyo, hawi ESU ha ma stunat qawye da tukose du camaydan.

ESU dkali cali aykanoyutho du camaydan dkıtyo mbarbızo da falqe du athraydan u bğer athrawotho di golutho, laqi qetre rabe xıd qatle, qtolcamo, tenkiro u golutho rabtho. Ubu tarano d’ESU, hawi geşro beyn du athro udi golutho u xlıqle haylo hatho leşan dgorış u zuhoro du kenşo Emwothoyo calu camaydan.

ESU mırle; Hani zıttır me 20 eşne, ESU cama şutose u tukose muttafik ubu snodo dba mowat hadome u noqufe, bnele u maqwele i ithuthayde beyn du camaydan. Bu tarano’ste mati ESU l’farsufe u şutose Emwothoye u ulsoye leşan dhowın sanode bi sbutho du camaydan. Ba eşnani, mtakasle’ste ESU knuşye, lumode, tagliyotho uğer hfitwotho b’dukotho frişe d’Urifi leşan dgorış u zuhoro cali sbutho du camaydan.

Bu huthomo ESU komır; Ba hfitwothani dsimi b’Urifi, mhalıq arcutho lu şuşoto du snodo du camaydan lu nişo dkıtle ESU. Bu zabno dıkmcaydina u yawmo di mşatsonutho d’ESU, kımqadmina’ste a tahınyothaydan a lebonoye la hadome, la noqufe ula sanode kulle dhawilın dawro bu şuşotano d’ESU. U Huyodo masroyo bu qadar du camaydan ubi wolitho mqadaşto dkıtle u gıdmdawım u ağonayde leşan u camaydan b’masirutho rabtho.