26/02/2023

ESU krıhle u hçomo dsım cali qoyumtho du Sayfo b’Qamışli

Bi sbutho du hçomo dhawi cali qoyumto du Sayfo dkıtyo b’Qamişli di Gozarto d’Bethnahrin mıdlan maqırhonutho mu rişono zawgoyo du Huyodo Suroyo d’Urifi-ESU Fehmi Vergili. Me gabo Hreno i mşalonitho du şutoso di hirutho da tawdyotho dmeqım Nadin Mayenza grışla u zuhoro calu hcomo di qoyumto du sayfo.

26/02/2023

Bi maqırhonutho dmıdlan mu rişono zawgoyo d’ESU Fehmi Vergili mırle bi qamayto kurhina b’qaşyutho u hcomano dkıtle nişo dı şoğış i awyutho dımşatalın a came di mdabronutho yothoyto.

Vergili mırle u u ağuneydan mıqqa dıq qowe khozina kmihcim cala timotho du cameydan, elo kulnoşe tro dodıc mıqqa dmihcim acleyna haqqa gıdmaqwina a fulhoneydan du tlobo da zedqe du cameydan.

U hcomano dheş latyo idico ma sımle kmahwe dkıbci şuğşi mehe da came di mdabronutho yothoyto du garbyo u madınho d’Suriya, u dmabdın yawmoyo xalyo, mawxa ahna kıtlan qrayto lu cameydan dımqadım la sıbwothani bklayotho trise u dkıtlbina huşbono hasab ma hacome dcala timoyotho du cameydan, kulnoşe trodıc du sayfo hiyoyutho du cameydan yo mawxa kurhina bqaşyutho u hcomano.

Me gabo hreno Nadine Maenza bi maqırhonutho dıfrısla bi dafeyda du Twitter grışla u zuhoro calu hcomo dsim cali qoyumtho du camo Suryoyo Othuroyo.

Maenza bi maqırhonuthyda kımmo sim hcomo cali qoyumto du Sayfo du camo Othuroyo Suryoyo b’Qamişli bi duktho dıkcayşi a came bşayno camhdode.

U camo di duktho kdorış dsim u hcomano laşan dmahıt fliğutho bayn da came elo a came gıd fayti cali sbuthathe dlo fliğutho.