10/04/2021

ESU mabdele fulhone lı taklitho laşan isbutho d’Dayroyo Aho Bilecen

Gabe u şutose du cameydan kımtayabi kampanya da imdat laşan dsaymi hboso cali şıltonutho d’Turkiya dmaqimo u thomo dkito bhaq du dayroyo Aho Belican.

Camgabe dathe u huyodo Suroyo d’Urifi ESU fayıt la esore cam hın folitiqore du huyodo d’Urifi u me gabo hreno mabdelın a fulhone dsaymi taklitho qmu bınyono du huyodo d’Urifi.

A gabe u şutose du cameydan, mtayablın i egartho leşan dımabdın kampnaya da imdat mqabıl d’Turkiya bnişo dmaqimi u thomo dkito cal Abuna dayroyo Aho Bilecen-u kohno di dayro d’Mor Yahkub d’Qarno bu turo d’İzlo. U qoyumo du gabo da Mşihoye du Swed Lars Adaktusson dkıtyo idico ba fulhone du snodo du cameydan, ksonıd i kampanyathe u huweste ha ma mtaybonayda’yo.

Bebzabno kito şutoso Almanoyo dkobıc sonıd a fulhonani leşan dmitagle cali lo kinutho dkıto ba bethdine d’Turkiya. Me gabo hreno u Huyodo Suroyo d’Urifi ESU fayıt la esore cama qoyume du parlamento d’Urifi, u tlıble menaye dsaymi hboso cal Turkiya. Bi sbuthathe hın ma qoyume tlıblın mawdconutho calu şwolano du dayroyo leşan dmawdci u hfuxyathe l’Turkiya.

U rişono zawgoyo d’ESU Fehmi Vergili mawdacwole bi tahrazto dsimowa bu froshezwo d’Suroyo bi sbutho du dayroyo, dkubci dsaymi taklitho-meeting, qum du bınyono du Huyodo d’Urifi b’Bruksel leşan dmaşımci u qolo du dayroyo Aho Bilecen dıkmisım teştcınyo bişo acle.

Ba mamle dhawilan cam Vergili mawdacle dımqadamlın talab leşan dsaymi taklitho u kıtlın sabro bi şabtho dothe, dmitahwelın fsoso dsaymi taklitho u dmaşımci ilo kinutho dhawyo mqabıl du dayroyo. Bu dumyano a hfuxye mqabıl d’Turkiya kımdawmi mu camo Suryoyo gawonoyith elo heş u qolo di cito dkıtyo abuna u dayroyo ha mu qlirosayda, lıkmışmıc u qolathe u mawxa lıkmidoco i klayto dkıtlın.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…