17/02/2021

ESU meştawtafle li kampanya dmitaqım u izolasyon cal Öcalan

U Huyodo Suroyo d’Urifi ESU’ste mıştawtafle li kampanya emwothoyto dkıtyo leşan dmıtwır u izolasyon dcalu rişono di PKK Abdullah Öcalan u dıkmıtlable hirutho.

 ESU frısle egartho lu ray dı britho dıkkorıh eba u izolasyon dıkmitaşe cal Öcalan u tlıble dmitanhıti la hayye a qonune emwothoye.

U huyodo Suroyo d’Urifi ESU mıştawtafle li kampanya dkıtyo bu ışmo “athi u zabno: leşan şlomo kino b’Turkiya, Hirutho l’Abdullah Öcalan” U Huyodo Suroyo d’Urifi ESU bi egartho dı frısle lu ray dı britho komır, u izolasyon dıkmisım cala bnaynoşe, cala came u cala timoyotho madruthoye hawbo di noşuthoyo. Camıhbol Turkiya minaqa dımşatso holladyawma, qamuthıd dcaynothıd dı britho ksaymo u hawbano mqabıl da came. Mawxa ma 1915 holl adyawma bi siyase du qtolğenso a came mşihoye wa mashabe mşahılfe matın ldarğo du qşoco b’Turkiya.İ şultonutho d’AKP-MHP kdayşi a zedqe noşoye, a timoyotho demoqratikoye, u sabro di hirutho udu şlomo. U huquq da qonune trın lxasra, wi kinutho hawyo maşe bidothıd di şultonutho. A nahire a baynoşe demokrat, a yolufe kmitahti ba hbuşe bşıkıl kefi u latte granti da haye. Hem ba hbuşye hemste larwal kloqın b’izolasyon yaquro. Kmitahıt hawbe bı dugle ub’idacat mşahılfe quma qoyume, da rişone da karxwotho udba olufe hfite folitiqoye. U camo Suryoyo’ste ha ma came daxile darbo qşitho du rejimanoyo. Kul naqla kcoyış u haşo du qtoğenso. Mawxa u camo Suryoyo wa şutosayde laybe dfoyış şalyo mqabıl du rejim dkıtyo anti demoqratik. Midıd u camo Suryoyo xıda bnaynoşo hrene kulle.

 Bi maqırhonutho griş zuhoro calu izolasyon dcalu rişono di PKK Abdullah Öcalan, cala rişone zawgoye catiqe d’HDP Selahattin Demirtaş, Figen Yüksekdağ, Osman Kavala u cala yasire hrene  u mırle “ Abdullah Öcalan dkıtyo yasiro hani 22 ışne bi gozarto d’İmralı, kmitaşe acle siyase du qrobo dilonoyo udu izolasyon. Calathe u şwolo du izolasyon latyo bılhude şwolo dfarsufo aw dı grub, hawi şwolo emwothoyo di noşutho. Emwotho Mhaydotho, Amerika wu Huyodo d’Urifi bu maşıqlo haroyo mşarelın dmamtın lu yawmoyo da qdome lo demoratikoye di Şultonutho dı Turkiya, hathe dawse olsoytoyo, elo cal dlayto şuryono latyo makfiyonitho. Bi sbuthathe klızm dmihalıq dawsat olsoytır.”

 ESU bi egartho dı frısle mawdacleste, leşan dmitaqım u izolasyon cal Öcalan, u leşan da yasire dmotın li hiruthaththe, klozım a qonune emwothoye dmitanhıti la haye. Leşan du medano kloızm dmifıt li harake. Xıd Huyodo Suroyo d’Urifi ESU kırhina i siyase du izolasyon dıkmitaşyo cal Öcalan. Ksaymina qroyto lu camaydan leşan Turkiya dmicış eba b’hirutho, bı şlomo ub’demoqratoyutho, dmaclena u qolaydan mqabıl du izolasyon.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…