ESU meştawtafle li taglitho mqabıl du qrobo dkit beyn Armenya u Azerbaijan

Bıthır mu qrobo dımşarele beyn d’Armenya u Azerbaijan, u camo Armnoyo cama sanodayde mabdelın tagılyotho mqabıl d’Turkiya u Azerbaijan.

 Bi sbuthathe an Armnoye d’Austurya sımlın taglitho b’Viyana, dmıştawteflela a hadome d’ESU u dsımlın mamlo mqabıl du qrobano dkımdawım bu snodo d’Turkiya.

Bi taglithathe dhawyo athmıl bi arişkoyto d’Austurya Viyana, mıştawtaflela zıtır me 3500 mtagılyone; beynothaye mınyono celoyo mu camaydan u Suryoyo-Othuroyo’ste.

Li taglithathe dmıştatwtaflela a hadome du Huyodo Suroyo d’Urifi ESU  i mathlonitho Leyla Bahdi sımla mamlo u krıhla u qrobo wu dilonoyith kalyo calu snodo d’Turkiya dheş mu makthabzabneyda sımla hawbe yaqure xıd qtolğenze cala came Mşihoye.

Ha ma qtolğense haroyoste u Sayfo dan 1915’we du nişayde dqoşıc u camo Armnoyo wu camo Suryoyo wa came Mşihoye hrene. Bi taglithathe dkıtwola nişo dı maşımco i şultonutho d’Austurya u da athrawotho hrene, mazcıq zacqat du sturyo mqabıl d’Azerbaijan u d’Turkiya u tlib snodo li mdabronutho d’Nagorno Qarabax.