ESU mqadamle u taşroro b’haq Turkiya calu tworo da zedqe noşoye

U huyodo Suroyo d’Urifi mşadarle u taşroro şatonoyo dıkkothuw lu komisyon du huyodo d’Urifi kul şato b’haq du tworo da zedqe noşoye wa hjome dıksaymo Turkiya mqabıl du cameydan. ESU bu taşrorano tarte nuqtotho dıkole aclaye buzoyudo a yuqdone dhawınwo, wu msoko d’Abuna u dayroyo wu mgabyo diqritho d’Arkah. U ğeyr sıbwotho dhawın mqabıl du cameydan.

ESU kul şato kımşadır taşroro bhaq da twore da zedqe noşoye wa hjome dıksaymo Turkiya calu cameydan dıkhoye b’Turkiya, bi sbuthathe ESU kmoyıd mawdconutho ma şutose u farsufe du cameydan dıkhoyın b’Turkiya mın sturye aw mın bsirwotho ksaymo i şıltonutho mqabıl didhe laşan dmınqıl lu huyodo d’Urifi.

Adşato mşahlaftır ma ışne hrene amşale d’ESU mşadarlın u taşroro u lo mawbelın b’İdothaye, mi celtho du kewo di Corona, elo bıthır gıdyıtwi camu komisyon u gıdırşi u mede dmahıt bu taşroro.

ESU bu taşrorano dımşadarle lu Komisyon d’Urifi kali cali aykanoyutho gawonoyto du camo Suryoyo dıkhoye b’Turkiya. U dilonoyitho kalın cala husrone dhawile u camo Suryoyo ma yuqdone dhawınwo b’Turcabdin bi şato da 2019, u bu turo d’İzlo.

Hıdo nuqto hreto dmalbakla u camo Suryoyo u msoko d’Abuna dayroyo Aho di dayro d’Mor Yakub d’Qarno wu mgabyo di qritho d’Arkah wa msikoye hrene, wi sbutho du weyoco di iqartho du kohno di cito kaldoyto d’Stanbıl abuna Hermez Diril.

Hıdo nuqto hreto d’ESU kali acla bu taşroro dımşadarle lu komisyon d’Urifi i sbutho du kboşo d’Turkiya dsımla cala thume d’Suriya, u bisbuthathe Turkiya mıstacmela hın ma şutose du cameydan laşan i manfaceyda u mqabıl du cameydan.

U huyodo Suroyo d’Urifi ESU ba esore dkıtle cama mşale u mathlone d’Urifi kulnaqqa kmamtın lu bolo a dyoşe dıksaymo Turkiya calu cameydan u Suryoyo