ESU sımle taglitho camu camo Kurdoyo laşan dıkırhi ahjome dıkseymo Turkiya

Bi mditho d’Örebro du Swed, a mathlone du camo Suryoyo-Othuroyo udu camo Kurdoyo bi taglitho dsimo, krıhlın ahjome dıksaymo Turkiya calu garbyo du Iraq.

 Bi taglithathe camgabed da mamle dsimi, mhalıq slogane dnufqo Turkiya mu garbyo du Iraq u dmakılyo ahjomeyda.

 Athmıl ba şoce d’bıthır me falge d’yawmo, u Mawtbo demoqaratoyo da Kurdoye wu ferco du Huyodo Suroyo d’Urifi b’Örebro, sımlın taglitho leşan dmahwın u hfuxyathe, mqabıl da hjome dıksaymo Turkiya cala arcotho du garbyo du Iraq.

Ba mamle dsimi bi taglithathe, krihi ahjome folhoye d’Turkiya cala arcotho du garbyo du Iraq, dkowın celtho lu qatlo da mdinoye ulu tehriwo da qıryawotho da came dıkhoyın bu qlimo. Bebzabno amtagliyone sımlın qrayto lu Swed ula hayle hrene dıbritho, dmaklın ahjomani, du nişathe kboşo cala dukotho da cameyo.

Li taglitathe mıştawtafwolın a mathlone da came cam hıdode ba remze frişe dkıtwolın mqabıl da cuqobe barbroye dıksaymo Turkiya. Me gabo hreno, mqabıl da hjome qaşye d’Turkiya lu garbyo du Iraq, mtayıbste tagliyotho du protesto bı mdinotho u athrawotho frişe d’Urifi u kriho i siyase qşitho du rişqutno Turkoyo.