ESU u ferco d’Teçino d’Swisra sımle u duxrono da Sohde d’MUB bu hudro Suryoyo dkıtyo b’kantone

Me gabo hreno u Huyodo Suroyo d’Urifi-ESU u ferco d’Teçino d’Swisra, sımle u duxrono da Sohde du Mawtbo Umthoyo d’Bethnahrin bu hudro Suryoyo dkıtyo b’kontone.

Bu duxronano mqadım mamle, mimre u zmirotho camgabe di temeşto da Sohde dmaqimo mu kohno di qlimo Abuna qaşişo Abrohom Bandır.

U duxronano dımhaydır me ESU mşarele b’qatinto d’şetqo cali ruho da Sohde. U kohno di fnitho Abuna Qaşişo Abrohom Bandır maqımle teşmışto cali ruho da sohde u bıthır sımle mamlo cali mıcne di sohdutho bi cito ubi umthonoyutho.

Bu duxronano da Sohde d’MUB, u mşalo d’ESU u ferco du kanton Besim Hirmiz  qrele u buyono d’MUB dfris lu duxrono şatonoyo da Sohde dkıtyo 10 bu yarhano d’Teşrin u qamoyo.

Bu buyono d’MUB dımwasafwole u darbo di Sohdutho dkıtyo u darbo ihidoyo du tlobo da zedqe du cameydan, sımwole’ste qrayto lu cameydan d’nofıq moro la Sohde di hirutheyde.

Buturgomano dı hadırwo farsufe mu qanton d’Tejino lfuth atadbire di Korona u malfono Hanibal George cam abreyde maşmaclın zmaryotho u mimre dıgşowın lu yawmano du duxrono da sohde du mawtboumthoyo d’Bethnahrin.