ESU u HBA frıslın buyono bu yawmo şatonoyo du qtulğenzo da Armınoye

U huyodo Suroyo d’Urifi ESU wu huyodo d’Bethnahrin athroyo frıslın buyono bu yawmo şatonoyo du qtolğenzo da Armınoye d’hawiwo bi şato da 1915.  Atre gabe kurhi u qtolğenzano u kımtalbi dhowe mawdyonutho ebe laşan dlowe qtolcame hrene.

Ahna U huyodo Suroyo d’Urifi ESU kmathkrina a sohde du camo Armınoyo bu yawmano 24 Nisın dkıtyo u yawmo şatonoyo du qtolğıenzo dhawi cala armınoye bi şato da 1915 mi mamlaxtho Cothmanoyto wa sanodathe dı qtilın mılyun u falge dhawın debho, me nacime neşe gabre.

U qtolğenzano dı cabır lu maktbazabno xıd nuqto kımto du tathtireyde kımdawım hul adyoma.

Bıthır mıd u camo Armınoyo mvayacwole u haylo dkıtle ba alfowat d’citotho dayrotho u dukotho marduthoye shifi u hın mane mahıtlın ido aclaye.

Bu nuqtathathe i kımto du maktabzabno du qtolğenzo da armınoye di şato da 1915 u camo Kaldoyo-Suryoyo-Othuroyo u Pontusoyo hawi debho u mamtele lı darğo du qşoco.

U qtolğenzano dkıtwe mtakso kıtwole nişo du qşoco da camani a mşihoye kule.

ESU komır camgabe dıkmathkrina u qtolğenzo da Armınoye ktılbina dhowe mawdyonutho mu taraf di şıltonutho Turkoyto, u be bzabno ktılbina me britho u urifi dı sındi u nişano dkıtlan.

Mxasra hreto, u gabo du Huyodo d’Bethnahrin Athroyo d’HBA du Iraq, bu buyono dıfrısle bu yawmo şatonoyo du qtolğenso da 1915, mzaharle i şultonutho dı Turkiya dlımarwıho i siyase tuhmonoyto dkımmaşyola bi fnitho, u dıcro bayn kul zabno u hreno lu hulmo mitho di şultonutho Cothmanoyto, bnişo dbılco a’came umthoye wa n’athrawotho.

Bebzabno, HBA mzaharle Turkiya dlısaymo mudaxala ba fenyotho di mdabronutho yothoyto du garbiyo udu madınho d’Suriya, u’hıjomo cala mdinotho u qıryawotho du camaydan bu garbiyo du Iraq bi dacwa du hjomo cala qentrune du gabo di PKK.

HBA makadleste d’hamıc ucdo u zabno da tıre came dıhlime Kaldoyo-Suryoyo- Othuroyo u Armınoyo, dmabdın ağuno mşawtfo laşan dmisım hboso calu kenşo emwothoyo, uhuweste dsoyım hboso cal Turkiya bnişo dmıctarfo bu qtolğenso da na’1915.

Bebzabno, HBA makadle du duxrono du Sayfo gıdfoyış aftho dıktıfkolan lu fulhono mşawtıfo cama gabe u şutose umthoye du camaydan ba nışmonayde kulle, bnişo dmitahwele u camaydan a’zedqe ruşmoye dıkbişi mene.