Europol bu taşroro dıfrısle kmawdıc di PKK lo sımla marhbonutho b’Urifi

U şutoso d’Europol dıkmafıt la haye a qonune Urifoye, mawdacle du gabo da falohe Kurdistanoyo di PKK lısımle ulo hjomo marıhbono ba narcotho d’Urifi.

 Bu taşroro dıfrısla Europol grışleste u zuhoro calu bethdino d’Beljika dımbarele u gabo di PKK ma thome di marıhbonutho.

 Bu slogan;i aykanoyutho di marhıbonutho bu Huyodo d’Urifi di şato da 2020, Europol frısle u taşrorayde di şato cala grube dkıtne bi hzayto d’Urifi marıhbone. Bu taşrorayde Europol komır; U gabo da falohe Kurdistan-PKK holucdo lo sımle hjomo marhıbono banarcotho du Huyodo d’Urifi.  İ PKK kımtaybo tagılyotho cal sebwotho da Kurdoye, wa tagılyothani kulle mşaynene.

Bebzabno, u taşroro d’Europol grışle u zuhoro cala hadome di PKK wa noqufayde dkımdawmi dmıştawtıfi l’hfitwotho qonunoye, bnişo dmaltımi zuze leşan u snodo u mırle; Kmahwe u mabuco rişoyo da zuze i kampanya şatonoyto du teltimo da mcadronwotho wa hfitwotho hrene marduthoye.

Camgabıdathe, u taşroro d’Europol mawdacle du bethdino d’Lieş d’Beljika mbarele 2 barmothoye Turkoye bi dacwa du thomathe dkıtte asirutho cam i PKK, uba melani mdawamle, U bethdino d’Beljika mbarele i PKK ma thome di marhbonutho lfuth u qonuno noşoyo Emwothoyo. Wu bethdino komır du mede dkowe me ışne yarixe beyn d’Turkiya wi PKK dıkmoyıd i methtaksonutho wu droşo folhoyo asas l’ruhe, kiban dhuşwinale qrobo mzayno lo Emwothoyo lfuth u mluwo da 141 du bethdino d’Beljika.