Farsufo Suryoyo ftıhle i dukaneyde da tarte di klija b’Turcabdin

Edip Balci dkıtyo mi qritho d’Curnıs ftıhle i dukano da tarte du syomo di Klija bi şuqo d’Mıdyad d’Turcabdin.

 Bu mamlo dhawilan acme mırle inaqa qamayto dıftıhwoli i dukano qamayto b’Merde kulnoşe mdamarwo aydarbo kibe dhowe dukano di klija elo ucdo sımlan u futoho di dukano trayonitho.

Edip Balci bu futoho di dukaneyde dıftihole b’Mıdyad grışle u zuhoro du tboco froso qlimoyo di fnitho.

Uclaymo Suryoyo dkıtyo mi qritho d’Curnıs meqım kımo ışne ftıhwole i dukano qamayto di klija b‘Merde ucdoste ftıhle u ferco di dukanathe b’Mıdyad yawme dhuşabo d’şaficina dkıtyo kıthiwo acla klija Sıryoyto.

U Adip ksoyım klija la munasabat xıd cedo tlobo cmodo u xer munasabat mşahılfe. Be bzabno kıtle şıkılat da tacmone di klija dkıtne da tamre u du şışmo u xer tacmone hrene.

Bu mamlo dhawilan camu moro di dukano d’Kana Edip Balci kıtle nişo dı noqıl u syomo di klija Sıryoyayto la dore dothın.