Fatıryarxo Al Raci sımle socurutho la citotho dıhzelın husrono b’Beyrut

I qadişutho du fatıryarxo di cito Suryoyto Marunoyto Mor Bşara Bıtrıs Alraci, mawdacle d’Lebnon, kıtla u qetro dıkmişahlıf  lathro tawdithoyo dkıtyo masro cam hayle baroye, aw gabe, yaste mathabe.

 Camgabıdathe, fatıryarxo Alraci sımle socurutho la citotho dıhzelın husrono ba furqoce qaşye dhawın bi arişkoyto Beyrut.

 Bi cohnutho da 100 eşne du iclan di mşatsonutho du athro d’Lebnon u rabo wi egartho dfırsowale bu zabnawo u mnohnafşo fatıryarxo Alyas Alıhwayık, i qadişutho du fatıryarxo di cito Suryoyto Marunoyto Mor Bşara Bıtrıs Alraci hule maqırhonutho lu frosqolo d’Lebnon.

Bi maqırhonuthayde, Mor Bşara Alraci mawdacle d’Lebnon kıtla ucdo u qetro dkull dkothe kmıtfık laf athro tawdithoyo dıkmiathır ma gedşe dkowın bu qlimo, u mırle; Me darbe dmınfıq moro l’Lebnon xıd athro mdinoyo dımşataswole fatıryarxo Alyas Allıhwayık, dıkforış beyn di tawditho u di şultonutho, khozina ucdo di mawdyonutho hawyo la hayle baroye u la gabe u farsufe. Fatıryarxo Allıhwayık matcınlelan hıdo şrorutho dkıtyo Lebnon wu sutorayde. Abıcwole athro frişo kulonoyith man athrawotho hrene du qlimo, athro dıkforış beyn di tawditho wi şultonutho.

Bebzabno, fatıryarxo Alraci mawdacle d’Lebnon klozım dhowe rahuqo man athrawotho qlimoye kule, awkith Lebnon laybe dmıştawtıf l’koalisyone folitiqoye aw folhoye u loste b’qrobe qlimoye aw Emwothoye, cal dkıtyo athro mgawno u qentrun lu dialog lo lu qrobo.

Camgabıdathe, Mor Bşara Alraci sımle athmıl socurwotho la citotho dıhzelın husrone momunoye bi netije da furqoce admonoye dhawın bu lmino d’Beyrut. Hın ma citotho dsımlelın Alraci socurutho, kito i cito d’Mor Maron, d’Mor Jırjısi, i dayro dan abohe Fransiskanoye u ğer.