Finlan rfidla u mamlo d’Erdoğan dmdacewole, d’Turkiya kiba dmaqbılo Finland lu NATO, elo lo u Swed
U waziro di baroyutho d’Finland Pekka Haavisto huwle athmıl maqırhonutho lu tbocofroso, bıthır mu mamlo dsımwole u rişqutno Turkoyo Recep Tayyıb Erdoğan yawme d’Huşabo dşafıcina. Bu mamlayde Erdoğan mdacewole, d’Turkiya kiba dmaqbılo i muraçaca d’Finland lu NATO, elo lo i muraçaca du Swed. Elo Haavisto m’akadle bu mamlayde, du xtutathe bi sbutho du NATO lo mşahlıf u camu Swed, gıdmdawmi u darbathe.
HELSINKI – Bu mamlo dsımwole u rişqutno Turkoyo Erdoğan yawme d’Huşabo dşafıcina bi sbutho di muraçaca du Swed u d’Finland lu NATO mawdacwole, dıkhozın d’Finland mhalaqla dawsat bi sbuthathe bıthır mu knuşyo dhawiwo beyn da 3 athrawotho b’Madrid bu qayto da 2022.
Elo lfuth Erdoğan, kito gado dmaqbıli i muraçaca d’Finland elo dmıtre u Swed larwal. Calu mamlano du rişqutno Turkoyo, u waziro di baroyutho d’Finland Pekka Haavisto sımle knuşyo lu tbocofroso u mawdacle, dlo mşahlaflın mede bu xtutathe bi sbutho du NATO. Finland gıdcubro belhude lu NATO camu Swed.
U siqumo du mdoyo d’Turkiya calu teqbilo di muraçaca d’Finland lu NATO’ste heş latyo idico elo u parlamento d’Turkiya gıdmoyıd bıtlono bu yarho d’Odor leşan u tuyobo da guboye u meqım ma guboyani, kito dmode cali tahwitho. Lfuth u waziro Finlandoyo-u sabrayde d’Finland u Swed dhowın hadome bu NATO meqım mu knuşyayde dgımisım b’Vilnius bu yarho d’Tamuz’yo.
Haavisto mawdacle’ste dkıtte sabro yarixo bu taro da garantiye di mşaynutho dqayıthla Finland me mınyono celoyo d’athrawotho hadome bu NATO. Hungarya u Turkiya an athrawotho ihidoye dlo maqbewolın i muraçaca elo Haavisto mawdacle, d’Hungaria gıdmudyo i muraçacathe di hadomutho bu yarho d’Odor dıbqamuthayna.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
