Fransa mabdela duroşe cama athrawotho Urifoye laşan dobın funoyo cala hawbe dıkseymo Turkiya

Imalılto di wazirutho di baroyutho d’Fransa bi maqırhonutho dhula lu tbocofroso mırla; Ba droşena cam athrawotho bnayqyomo, leşan dobina funoyo l’Turkiya cala hawbe dıksaymo.

 İ malılto Agnes Von Der Muhll mawdacla da hawbani dsımla Turkiya, lıgmıtroyi dılo funoyo.

 Ba yawmotho d’şaficina Fransa mawdacwola d’Turkiya dkıtyo hadımto bu NATO,  ksaymo hawbe bu qrobo b’Libya. Hawi mwatyutho qşitho beyn Fransa u Turkiya bıthır mu tacjiz dsımwola hıdo ma sfinotho d’Turkiya cali sfitho Franşoyto.

Bıthır mi mwatyuthathe, Fransa mawdacla dımşarela droşe caman athrawotho du Huyodo d’Urifi, leşan dmitahwe funoyo mqabıl da hawbe dıksaymo Turkiya bi sbutho d’Libya. Be bzabno Fransa mawdacla, bu hjomo dıksaymo Turkiya cala Kurdoye u cala came hrene bu garbyo du Iraq, kıdayşo a zedqe noşoye wi morutho du athro.

Imalılto di wazirutho di baroyutho d’Fransa Agnes Von Der Muhll bi maqırhonutho dhuwla mırla: Hol ucdo hawilan esore cam Almanya u Britania u drışlan acmaye, mın tedbire klozım dmitahıt cal Turkiya wa hawbe dıksaymo b’Libya, bu Iraq ubı Suriya. Kımdawmina ba esore uba droşe dcama athrawotho kulle dkıtlan esore acmaye, leşan dımtaybina tahrazto u dobina funoyo l’Turkiya cala hawbe dıksaymo.