Fris mimartho cala hjome dıkseymo Turkiya calu cameydan

Bı mimartho dıfriso bıhdo ma dafe dkıtyo masırto bu Vatikan, kıle cala hjome dıksaymo Turkiya cala qıryawotho du camaydan bu garbyo du Iraq wu husrono dhuwo la mulkone u lan arcothathe.

 Bi mimarthathe makıd, dhol 25 qıryawotho du qlimano maxlın ma comurathe bıthır ma hjome u ma yuqdone dhawın. Mawdıcste da hjomani d’Turkiya, cayni senario dsımwo calu qlimano ban 1980’yatyo.

Bi mimartathe dıfriso b’Asia News mawdıc, mu şuroyo di şatathe u holucdo maxle hol 25 qıryawotho bu garbyo du Iraq u sim cuqobe u bıthır menaye nafıq yuqdone wu mahrıwi bote, bethqbure u arcotho di zaricutho u senariano, kmışbıh ğalabe lu senario dan 1980’yat. Hani a husrone dıtrelın a cuqobe casye du gayso d’Turkiya cala qıryawotho da Mşihoye bu garbyo du Iraqne.

U gelyunoro di dafo Qatholiqoyto laqi u kohno du camaydan d’Amadiya Abuna Samir Yusuf d’mırle; Mınyono dfarsufe qtili, belhude cal dkıtwın qariwe la dukotho dkıtne bu duyoqo du gerilla di PKK. Bı furqoco dı radoyto dıktucnowa mcadronutho li qritho d’Araden, mfarqıco wa farsufe dkıtwın bıgawa qtili. Ahjomani xlıqlın zuctho beyn du camaydan dıkhoye qariwo la thume d’Turkiya.

Abnuna Samir mırleste; Ğalabe man abne du camaydanste, galwoyene dmahzamlın me Mawsal u mi daşto d’Ninve l’Nuhadra bu zabno da hjome da marhıbone d’Dacış dıqayıthlın snodo me Ankara. Turkiya hani yarhe kmıhyo cala turone bnişo dı qutlo u gerilla aw a Kurdoye dılo fırşono en kit muklo, lojistik aw zayno acmaye.

Bi mimarthathe mawdıc da hjomani, lo belhude cala dukotho di PKK kmisomi, elo kmımheste ba qıryawotho da Mşihoye dkıtne qariwe la turone. A Mşihoye kıtte sabro, di şultonutho qentrunoyto du Iraq dsaymo hboso cala hjome folhoye dıksaymo Turkiya calu garbyo du Iraq.