Froshezwo d’Hollanda, frısle tahrazto cali aykanoyutho d’Turkiya u d’Suriya cam i mşalonitho du şutoso d’Şlomo

Bi tahraztathe i Hollandoyto dfrisowa ba yawmotho dşafıcina, maczamwo farsufe frişe u drışwo u gunho noşoyo dhawiwo yawme d’Tre dşafıcina b’Turkiya ubı Suriya wu tathir dtrele cala haye dba mo alfayo dıbnaynoşo ba 2 athrawotho şbobe.

Bi tahraztathe, frıswo’ste masdro cal Sandra Korteweg dkıtyo i mşalonitho du şutoso d’Şlomo b’Hollanda ubu mamlayda mahkela cala initiative dmidi b’Urifi bi sbutho da gunhani u mırla; Kıtlan şutoso di mcadronutho b’Suriya bıgawe da fulhonaydan-awkith kull naqla kıtlan noşo bi duktho. Ahna marke me Urifi kımnasena dmalimina zuze bnişo dqudrina dımşadrinalın bıthır l’Suriya. uba zuzani’ste, kmızwın tamo u mede dıklozım lu camo sniqoyo.

Sandra hawila mamlo camu mşalo du şutoso du camaydan u Slibo Suryoyo Malık Hanna ubu mamlayde’ste, mahkele calu tathir dhzele u camo mi zalzale wu sniqutho dkıtle ucdo u camo l’bataniya, muklo, sopat, darmone uğer. İ mathlonitho d’Şlomo Sandra mahkela u camo mıqa hzele husrono mu tukoso marhıbono u dheş ucdo hatho maltamwole ışmo ruhe u aydarbo bi zalzalathe, kımvayıc naqla hreto kull mede.

Bu huthomo Sandra Korteweg kımmo; Kıtulbono ma şultonwotho uma folitiqore dmaqimi a tedbrie dmahti cal Suriya bnişo dqudri a şutose u tukose Emwothoye dşufci a thume u dnuqli mcadronutho lu camo sniqoyo u dımcadri bu qefoyo da bnaynoşo dfayşi beyn da shifotho.