Ftih dacwa mqabıl d’hamşo farsufe dıkhoyın b’Södertalje du Swed, ma thome da hawbe frişe du momuno
Beyn da thimoyani’ste, kito farsufo dıkmidıc bu darğo celoyo dkıtwole b’hudro di esfirreğlo d’Södertalje. U polis Swedoyo, lo mawdacle i hiyoyutho da hamşo thimoyani.
SÖDERTALJE – A hawbe dıkmisomi bu haqlo du momuno kmidoci bu Swedoyo-ekobrott, u kohbış bi melthathe’ste a hawbe dıkmisomi bu vergi uba hşowe dıkmisım ba şuğlone wu teşiğo da zuze hewore. Bu haqlano, ucdo 5 comure d’Södertelje du Swed kmıthomi b’hilat rabe u ftih dacwa mqabıl dıthe.
Beyn da 5 thimoyani’ste, kito farsufo dkıtwole meqım darğo celoyo bu haqlo da fulhone du teştcınyo di esfirreğlo b’Södertelje. U mqımdino mawdacle du farsufano uha hreno kmıthomi b’fulhono dsımlın cam ğer leşan u teşiğo da zuze u hani’ste kıtwolın asirutho ba ğrobe hayobe d’Södertelje u d’Stockholm.
İ dacwathe kıducro li şato da 2023, bu zabno du cuqobo dsımwole u polis calu thimoyano u acme 80 farsufe hrene bu Swed kule. A farsufani mıstacmelın u sistem di madatho du Swed, leşan dımkasın cala zuze kome dıkmaydi udu mcaş dkobın la noqufathe cala fulhone lo qonunoye dıksaymi bi tagorutho uba zuze d’kryptovaluta.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
