Ftihi a tarce di dayro d’Mor Kuryakus, b’Batman, bithir me eşne
İ dayro di cito Suryoyto Orthodoksoyto d’Mor Quryaqus dkıtyo bi şawtho d’Beşiri d’Batman d’Turkiya, kamıl u hethothayda bıthır eşne yarixe u sim u zawho du futohayda. U wali d’Batman Ekrem Çanalp mırle; Bıthır mu zawhano dsim, ftihi a tarce di dayro la socure.
BATMAN, Turkiya – İ dayro d’Mor Quryaqus dkıtyo falqo di yortutho marduthoyto u makthabzabnoyto d’Batman b’Turkiya, ftihi naqla hreto a tarcayda 15 bu yarhano d’Hziron. İ dayro shifowa ubu snodo di wazirutho di mardutho udu turizm d’Batman, sımwo naqla hreto u hethothayda. U zawho du futoho’ste sim mu wali Ekrem Çanalp, u hadırle mınyono celoyo d’folitiqore u camo di fnitho.
İ dayro d’Mor Quryaqus dkıtyo bi şawtho d’Beşiri, kıtla ulsoyutho rabtho lu camaydan u Suryoyo dkıtyo camo şerşoyo b’Turkiya, u dmıstacmalwo meqım i dayrathe la Qurobe Alohoye uba zawhe tawdithoye hrene u xıd nuqazto du yulfono.
İ dayro camgabe dgıfayşo ftıhto la socure, gıdmisım’ste eba Qurobe Alohoye wu nişo dkıtla i fnitho d’Batman’ste, dmitayıb hfitwotho mşahılfotho leşan u sutoro wu şeçoco du bınyonano u makthabzabnoyo. İ dayro 600 eşne catıqto’yo wu bınyono 2.500 kvadrat metre rabo’yo uba 2020 mabdanwo a fulhone du hethothayda.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
