Ftiho i cito d’Berlin laşan islutho da maşılmone du Ramadan

Hıdo ma citotho dkıtyo b’Berlin d’Almanya, ftıhla a tarceyda la Maşılmone leşan dımsalın eba i slutho di harayto du Ramadan.

 U malla du masığdo d’Berlin mırle; Hano remzo ğalabe rabo’yo wi afthathe dhiwo bi cito, fsihutho rabthoyo elayna bu zabnano du Ramadan udu krizano di Corona.

Almanya huwola aftho dmıftohi a dukotho di slutho 4 bu yarhano d’İyor b’şart du camo dfoyış ışmo rahuqo me hıdode mcal fothe du virus d’Corona. Calathe imdabronutho di cito di qadışto d’Marta da Lutheran dkıtyo bi arişkoyto Berlin, huwla aftho la Maşılmone di mdito dımsalın eba.

I celtho di afthathe dhiwo athmıl’ste, cal da Maşılmone lo carın bu masığdathe d’Dar Salam dkıtyo b’Newkölln’yo, leşan dımsalın i slutho di harayto du Ramadan. U malla du masığdano mırle; Hano remzo ğalabe rabo’yo wi afthathe dhiwo bi cito, fsihutho rabtho’yo elayna bu zabnano du Ramadan udu krizano di Corona.

U kohno di cito da Lutheran Monika Matthias hadiro bi sluthathe u sımla mamlo la hadire u mırla; Kulayna kıtlan cayni şıkıl d’qetre u ahna kubcina d’yulfina menayxu wu hatu d’yulfitu menayna. Aydarbo kibın a Maşılmone, dımsalın bı cito? U tebano, idico’yo gıdxolıq lo thnihutho beyn du camaydan, elo lfuth i cito Lutheran d’Almanya, remzo di ahonutho da came’yo.