Ğalabe gabe u şutose mdelın egartho dmişayco la mşale Turkoye cali sbutho di eqartho d’Diril
32 gabe u şutose du camaydan u Kaldoyo-Suryoyo-Othuroyo me athrawotho frişe dı britho, mdelın egartho mşawtafto la wazirwotho di kinutho u di gawoyutho d’Turkiya, bi sbutho di ctidutho di iqartho d’Diril, dımvayciwo bu yarho d’Konun u haroyo da 2020 b’Şırnak.
İ egarthathe dımtaybo bu inistativ di hfıto Juliana Taimoorazy, mıdyoste me ğer tukose u şutose nuxroye u tlib dmisım buqore wa hayobe du htofano d’Hırmız u Şmuni Diril dmitawfıqi lqum di kinutho.
Hol 32 gabe, tukose u şutose du camaydan u nuxroye me Fransa, Beljika, Amerika, Swed, Australia u mu Iraq; beynotheye u Huyodo Suroyo d’Urifi ESU, u Enstitut Othuroyo d’Beljika, u Akademi Othuroyo b’Fransa, u Mawtbo Kaldoyo Suryoyo b’Australia, u Mawtbo di mcadronutho da Mşihoye bu Iraq.
Camaniste kito şutose du tbocofroso, tukose Emwothoye; xıd mathlo İnternational Christian Corncern uğer i mdelın egartho mşawtafto dımtaybo bu inisyatif d’Juliana Taimoorazy li wazirutho di kinutho uli wazirutho di gawoyutho d’Turkiya. İ egarthatheste frişo cali sbutho d’Hurmuz u Şmuni Diril, dşafıc şato kamılto calu htofathe b’Şırnak d’Turkiya u bıthır 70 yawme, dımqafyo i şlado d’Şmuni Diril ma 2 abnayda qariwo lu baytathe.
U d’Hurmuz Diril dheş kıtyo mvayco udi ctiduthayde latyo idicto Bi egartho kmitahke aydarbo a nacimathe tlıbbe snodo uu mnaselın dımşayli cali emo u babathe bnişo dmıtlıb hşowo ma hayobe. Mqadım 3 talabe ma 2 wazirutho u mawdıc; bu yawmo şatonoyo du htofano ahna kıbcina di wazirutho di kinutho dsaymo hboso cala mqimaydino dımyaqri a zedqe da haye da dıbhani u dfulhi lfuth u mluwo da 2 du lumodo Urifoyo dcala zedqe noşoye u dmihaşwi a hayobe.
İ wazirutho di kinutho dmabdıyo buhono bi sbutho du otopsi dsim cal Şmuni Diril b’Stanbul u qay lo mamtele yuthrono. Kıtulbina dmitaslım u taşroro la nacimayda.3 İ wazirutho di gawoyutho dmabdıyo buhono jıddi cali ctidutho d’Hurmus Diril u dmidıc en heş ba hayeyo aw lo wu en dıbho du htofo aw du qatloyo.
Bu huthomo di egarthathe’ste, griş u zuhoro cali aykanoyutho du camaydan, u tathir dtrelın a qrobe wa siyasat du athro acle wi goluthayde ma dukothayde a şerşoye b’Turkiya u gawonoyith bu Madınho Mescoyo.