Geir Pederssen yatuw camu waziro di baroyutho d’Rusya

U mathlono d’Emwotho Mhaydotho b’Suriya Geir Pederssen bi socurutho dsımle li mditho d’Mosko, yatu camu waziro di baroyutho Sergey Lavrov.

 Bi ytawtathe, Pederssen mawdacle da ytawyotho di sictho du nomuso esonoyo dıkmitaybi b’Çenev, kşıfci ucdo bı muzoğo msimono.

 U mathlono d’Emwotho Mhaydotho b’Suriya Geir Pederssen wu waziro di baroyutho Sergey Lavrov, bıthır to lu tboco froso.

Pederssen bi ytawto dsımle, mawdacle dkito muzoğo msimono bayn da mathlone di şultonutho d’Suriya u di saqıbloyutho ba ytawyotho di sictho du nomuso esonoyo dıkmitaybi bi mditho d’Çenev. Bebzabno, Pederssen makadle d’Emwotho Mhaydotho ksındo afulhone d’Emwotho Mhaydotho dmiqafe şroyo folitiqoyo lu kriz d’Suriya lfuth u fusqono Emwothoyo 2254, baynothaye u fulhono di sictho dıkdırşo u nomuso esonoyo hatho d’Suriya. Pederssen grışleste u zuhoro dıklozım dmitaqimi atedbire momunoye dmahti cal Suriya, bnişo dmicadlo i aykanoyutho di mşaynutho.

Me gabo hreno, Lavrov bu mamlo dsımle mawdacle d’Rusya ksındo a fulhone d’Emwotho Mhaydotho, bnişo dmakışri aytawyotho di sictho du nomuso esonoyo d’Çenev. Lavrov mawdacleste du fusqono 2254 dmawfaqwo ba 2015, a bnaymothoye d’Suriya hınnene dgımbayni u dactid d’ruhaye dılo mudaxala man athrawotho baroye wa tukose marıhboneste klozım dhowın larwal du maşıqlo folitiqoyo d’Suriya.

Camgabıdathe, Lavrov tlıble mu kenşo Emwothoyo dmaqwe a fulhonayde bu haqlo di mcadronutho da galwoye dkıbci dıdıcri la botathe b’Suriya, u maqrahle du medano gıdmaxıf u yuqro dkito cala nathrawotho dıksaymi baytoyutho la galwoye.