Gıdmişamıh ha ma zabuqone di mdito d’Mawsal bu ışmo du Sohdo qaşişo Bulıs İskandar Bahnam calu talab d’hasyo di cito Suryoyto Orthodoksoyto
İ hiğmonutho d’Ninwe maqbela dmişamıh ha ma zabuqone di mdito d’Mawsal bu ışmo du Sohdo qaşişo Bulıs İskandar Bahnam. U fusqonano mid calu talab dhawile u rişono di marcitho d’Mawsal ud’hedora di cito Suryoyto Orthodoksoyto hasyo Mor Niqodimos Dawud Matti Şaraf.
ARBCA-ILO (ARBIL), Ciraq – U rişono di marcitho d’Mawsal u hedora di cito Suryoyto Orthodoksoyto hasyo Mor Niqodimos Dawud Matti Şaraf, sımle athmıl socurutho lu hiğmuno d’Ninwe Najım Aljabburi, u drışle acme u maşıqlo du bnoyo udu hethotho da citotho di marcitho.
Bebzabno, hasyo Dawud Şaraf tlıble mu hiğmuno d’Ninwe dımşamıh u zabuqo dkito ebe i cito d’Mor Afrem bi şawtho d’Alşurta d’Mawsal, bu ışmo du Sohdo qaşişo Bulıs İskandar Bahnam.
Aljabburi’ste maqbele baroyo u talab du hasyo, dmişamıh u zabuqo di cito d’Mor Afrem bu ışmo du Sohdo qaşişo Bulıs Bahnam dhtıfwo 9 bu yarho d’Teşrın u Qadmoyo di şato da 2006, u dınhırwo bıthır u fağrayde l’4 falqe ma grube marıhbone.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
