Gıdmitayıb tahrazto di mcadronutho lu camaydan dıkhoyın b’Lebnon

I aykanoyutho d’Lebnon, kul dkothe kıhurwo u dilonoyith u camaydan du athro kışofıc b’maşıqlo ğalabe casqo u sniqoyo’yo lu snodo du camaydan.

 Leşanathe, u froshezwathxu Suroyotv, gıdmtayıb tahrazto di mcadronutho lan abne u bnotho du camaydan dıkhoyın b’Lebnon. I tahraztathe dkıtyo hayo, gıdmisomo 29 bu yarhano d’Ob, bi şoctho da 20.40 qatinotho.

Ba tebe dfrıslan hani zabno yarixo bu froshezwo d’Suroyotv, mnaselan dgurşina u zuhoro cali aykanoyutho harıwto d’Lebnon-dkull dkothe zıttır khurwo u kıquşyo mcal fothe di bsirutho dkito bu kahrobo, ğaz, benzin, mazot, darmone, muklo wu internet. Bu maşıqlano u casqo dıkşufco Lebnon ebe’ste, an abne wa bnotho du camaydan hawın sniqoye li mcadronutho, bıthır mıd layto şuğlone.

Walaw u Gabo du Huyodo Suryoyo Tibeloyo b’Lebnon bu snodo du Slibo Suryoyo kımdawımi dımqadmi mcadronutho lu camaydan, naqla hreto latyo makfıyonitho u calathe ksaymi qroyto lu camaydan dmojıd ide di mcadronutho lu camaydan dkıtyo b’Lebnon, leşan dşofıq mu maşıqlo.

Ahna’ste xıd froshezwo d’Suroyotv, hzelan wolitho cal ruhayna dsaymina tahrazto di mcadronutho leşan dhowina geşro du snodo beyn du camaydan dıkhoye b’britho udu camaydan d’Lebnon. İ tahrazto di mcadronutho gıdmisomo hayo yawme d’Huşabo 29 bu yarhano d’Ob, bi şoctho da 20:40 qatinotho.

Leşan dmotitu li tarhazto, aw dımqadmitu i mcadronuthathxu lu camaydan d’Lebnon, kiboxu mtalfınitu la telefonani leşan dmıştawtıfitu li tahrazto.

Tel: 0046855420336

0046855420336

Yaste kıbxu mucdo dmawdcitu u snodathxu bi numarathe du Whatsapp: 0046760075799

Email: info@suroyotv.com

Wi tahraztathe, gıdqudritu dımfarçitula hayo bu facebook d’Suroyo TV ste.