Gıdmitayıb tre duxrone leşan i Sohıdto İzla Neriman Özgun Rucyo bi mdito d’Gütersloh d’Almanya udi mdito d’Mels b’Swisra

ALMANYA/SWISRA – Bıthır ma teşmışyotho dmaqimi b’citotho d’mdinotho mşahılfotho du athro ubı Urifi, gıdmitayıb ba yawmotho dıbqamuthayna duxrono lu iqoro di Sohıdto İzla Neriman dkıtwa bi Sictho di Rişonutho du Mawtbo Umthoyo d’Bethnahrin.

MUB cama şutosayde-u Huyodo Suroyo d’Urifi-ESU camu Huyodo da Neşe d’Bethnahrin-HNB, gıdmtaybi a 2 duxronani di Sohıdto İzla Neriman. Bi qroyto dfriso me ESU u HNB lu tbocofroso du camaydan kmitawdıc; Kubcina dmathkırina u dımyaqrina i Sohıdto İzla calu fulhone ucalu tacbo dhuwla li hirutho di umtho.

Bu tarano mawdıc u zabno da duxronani dkıtne; 16 bu yarhano d’Odor bi şoctho da 14.00 bu salon di cito d’Yuldath Aloho bi mdito d’Gütersloh d’Almanya. Wu duxrono trayono dkıtyo bıcayni siqumo-awkith 16 bu yarhano dkıtyo yawme d’Huşabo bi şoctho da 15.00 bu Hudro Suryoyo b’Mels d’Swisra.

A şutosani du ağono umthoyo d’MUB kısaymi qroyto lu camaydan u Suryoyo kule, la şutose frişe du camaydan ula citothayde kulle dlo fırşono, dhudri u dmıştawtıfi acmaye ba duxronani leşan u iqoro di Sohıdto İzla Neriman Özgün Rucyo.