Gmihathıth u qabro du mdarşono mşamho Camannuel Baba Dawud

U waziro di claymutho udu sport bi şultonutho du Iraq Cadnan Darjal, hule amro la şutose di waziruthayde, dımhathıthi u qabro du mdarşono mşamho di gudo athronoyto du Iraq di esfireğlo Cammanuel Baba Dawud dkıtyo farsufo mu camaydan udıkmidıc bu ışmo d’Cammubaba.

 U waziro di claymutho udu sport bi şultonutho du Iraq Cadnan Darjal, sımle athmıl socurutho lu qabro du mdarşono mşamho di gudo athronoyto du Iraq di esfireğlo Cammanuel Baba Dawud dkıtyo farsufo mu camaydan udıkmidıc bu ışmo d’Cammubaba.

U waziro Darjal bi socuruthayde lu qabro dmahıt bu wahdo camoyo di esfireğlo bı Boğdod, hule amro la şutose di waziruthayde dımhathıthi u benyono du qabro d’Cammubaba bi netije duhrowo dhani ışne yarixe dqayıthle u benyonayde.

Bu yarho d’İyor i şato da 2009, u mdarşono mşamho Cammubaba nqılwo ma hayani mi celtho du kewo d’qayıthwoleyo bcımro d’75 ışne.

Cammubaba dmawladwo bi mditho d’Boğdod i şato da na’1934, qayıthwole i şato da 2000 u kunoyo du mdarşono du doro da cısri. Wi gudo athronoyto di esfireğlo du Iraq zaxyowa tloth naqlat bi turnuwa du Xaşiç bu zabno dkımdaraşwola Cammubaba.