Gmıshofi bınyone laşan dmahwe u şufro d’Mırde

Leşan dmınfıq moro lu şıkıl di ardıxlutho di mditho makthabzabnayto d’Mırde hiw fusqono dmıshıf 240 bınyone dıkmahrıwi u hezwo di mditho.

 U şıkıl da bınyone d’Mırde wi erdıxlutho du camaydan hawın sabab ba ışne haroye dhuyo nuqazto da socure da Turist.

İmditho maktabzabnayto du camaydan Mırde, hıdo ma nuqazyotho ulsoye du turizım du qlimo hawyo. Leşan dnofıq li holo u hezwo di mditho d’Mırde sim fulhone. Calathe mbayın kito 240 bınyone dıklozım dmıshofi.

Bu tebo dıfris bi dafo du qolo d’Amerika kmitawdıc kmisım fulhone. Leşan a bınyone maktabzabnoye dmahwın tawtır u dnıfqo li holo i sınca di ardıxluthathe zıttır.

Bcayni zabno kmıgrış u zuhoro dothe a bınyonani dmıshofi kibe dnıfqo li holo u hezwo şafire di mdithathe. Mırde dkıtyo bnitho cal turo mxamaltoyo ba bınyone dı bnın ma macmırone du camaydan. A kefathe nqişene u ksıhdi calu camaydan u Suryoyo.

Kmitawdıc Mırde cal dkıtla dilonoyto lruha mu maktabzanayda, ma bınyonayda hawyo duktho dıksaymila a turist socurutho. Kul şato kzarla 2 mılyune turist u bıthır u mınyonano salıq hol 6 mılyune socure.

Huwe u nişo di termithathe leşan gırşo i mditho zıttır socureyo. Elo me meqım cal dlo hiw yuqro li mditho maktabzabnaytathe macmır bınyone eba dılo plan u hani hawın sabab du hezwo d’Mırde dmıcjıq.

Bdıkthud da bınyonani gıdmıbne bınyone dıkrıkwi li ardixlutho d’Mırde. Me meqımste u Huyodo d’Urifi mqadamwole mcadronutho dı 6 malyune euro leşan dmıshofi 2 alfo 500 bınyone dkıtne mu beton. Elo bılhude shıfwo 40 bınyone bıthır i temritho makliyowa.

Ocdoste kmıntır bi şabtho dıbqamuthayna dmişare bu shofo da bınyone dmid fusqono aclaye.