24/02/2021

Griş u zuhoro calu taşroro dıfrıswole u tukoso Athronoyo du Kordinasyon calu ağuno mqabıl Dacış

Bı egartho dmıdyo me şutose frişe du camaydan, da Callawiye uda Kurdoye d’Hollanda, griş u zuhoro calu taşroro dfrıswole u tukoso Athronoyo du Kordinasyon, du ağono mqabıl d’Dacış u di mşaynutho d’Hollanda.

 Bu taşrorano mawdacwo, mıqa u rişqutno Turkoyo Erdoğan ksonıd a Salafist wa tukose tuhmonoye dkıtne b’Hollanda. Bi egarthathe a şutose u tukose da came frişe kımşayli; Qay kımhafdina Turkiya, inaqla d’Erdoğan kımşakıl qento li mşaynuthaydan?

İ egarthathe dmıdyo me 12 şutose frişe d’Hollanda; beynothaye  ESU u fırco d’Holllanda, Bethnahrin Information Bureau, Assyrian Mesopotamian Association Enschede, Center for Information and Documentation Assyria,Federation Tur-abdin Hollanda, Social Cultural Association Yerevan, Council of Democratic Communities from Kurdistan, Devrimci Aleviler Birligi, Sosyalist Yeniden Kuruluş Partisi uğer.

Bu şuroyo di egarthathe kmişayıl; Qay kımdawmina dımsatırina Turkiya inaqla d’Erdoğan kımhadıd i mşaynuthaydan? Klozım dmitaqım u mluwo da 5 du qyomo du NATO cal Turkiya. Bi egartho mawdıc du taşroro dfrıswole u tukoso Athronoyo du Kordinasyon, du ağono mqabıl d’Dacış udi mşaynutho d’Hollanda mawdacwo, mıqa u rişqutno Turkoyo Erdoğan kısonıd a Salafist wa tukose tuhmonoye dkıtne b’Hollanda uğer athrawotho d’Urifi u mıqa a tukosani kımşakli qento li mşaynutho dan athrawothani.

Bu yarho d’Teşrin u qamoyo d’eşqad, Almanya ftiho mawdacwola d’Turkiya kısaymo cayn mede b’Almanya’ste wa tukose Turkoye, kmitıstacmıliwo me Ankara leşan dım’athri cala Turkoye dkıtne b’Almanya wu snodo dkıtwola Turkiya lan Ahunone Maşılmone. U qetrano maglewo acle b’Swisra’ste u mawdacwo d’Turkiya kıtla agenda tuhmonoyto d’Neo-Ottoman. Cayni şwolo nafıq b’Fransa’ste u 16 bu yarhano m’akadwo dha Turkoyo qtiwole a 3 neşe hfite b’Paris ba 2013.

Bi egarthathe bşıkıl rwiho griş u zuhoro cal Turkiya wa hawbe, a dyoşe da zedqe noşoye wu qtolğenso dsımla i mamlaxtho Cuthmanoyto ban 1915 cala Mşihoye, a msoke dıkmdawmi, a teşniqe dıksaymo, a mudaxalat dsımla bu garbay madınho d’Suriya, Libya, Armenia, Cıraq, a hçome dkubco dsaymo cal Şigor uğer hawbe wu qento dıkmşakli i siyasathe d’Erdoğan calan athrawotho hrene. Cala hawbani kulle, lıklozım Hollanda dsaymo u garanti di mşaynutho d’Turkiya bu mluwo da 5 du qyomo du NATO ubı dukthe, dım’amni i mşaynutho da folhe Hollandoye uda yuthrone du athro.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…