Habses qrithaydi

Habses qrithaydi

Ba notfe didactho d fothe masheghle e hubaydhe elakh
Ma zalge di shemsho, mbalbesiwa caynothe, mu hyoro bu shubhaydhakh
Maclu turo du Qroho [1], d madeqwa cal Medyad, notarwo a karme u a warzaydhakh
Fothe, l Mor Shamoun Zaite ubowo, msalewo la bnothe u abnaydhakh

Manwe hawo, Kudhcat?
Habsoyo u abraydhakh
Goluyo gawe malyo
Dacer belhiqutho d hoye bshelyo ba kenfaydhakh

B hasrayo d domekh tahti dawmo bu Ghariqaydakh [2] U d shote hamro dicsir bi macsarto da karmaydakh
U damso dmeshtace cali Mishe i goraydhakh [3] U droqedh raqdho da katfotho, bi meshtutho da bnothaydakh
Byawmo d hemo, domekh bu fuho d bethri citaydhakh

Manwe hawo kudhcat?
Hiyeyo. Claymo trelelakh, u dacerlakh sowo
Fsihoyo nafeq menakh, u dacerlakh kmiro

Hiyeyo u Habsoyo, dfayeshle hdho zmarto ma mo d taci.
Gzomarla b qolo hniqo: “Ya Mor Shamoun, g ducrina lokh, gducrina lokh
Gborkina Rabe u zcure  qem raghlothokh [4]”

– –

Denho Bar Mourad-Özmen (2007-05-25)

---

[1] U Qroho eshme du turo celoyo bayn d Midyat u Hapses yo. U turo kule Shenoyo lo kmawreq ebe dawme.

[2] Ghariq: Eshme du turo lhudhoyo d ketyo mkasyo ba dawme du baluto, awkith coboyo. U turano knofel methho d shoctho rahuqo me Habses bu halkho. Kariwoyo la qeryawotho d Dayro d Debo u  qritho d Tafo.

[3] Goro d Mishe: Eshme di goro d laymiwa a gawre d Habses u meshtacenwa bu skambil, ba gluluyotho (gharat) aw obenwa u shuqliwa medone.

[4]  U fetghomo haroyo du mimro latyo didhi. U mimrano zimriwayle a taye u a Suroye Mhalmoye inaqa dothenwa li cito d Mor Shamoun Zaite u shotenwo maye mu Gubo du Qdholo.