President Donald Trump speaks to the media at Mar-a-Lago, Tuesday, February 18, 2025, in Palm Beach, Florida. Kevin Lamarque/AP
20/02/2025

Hawı hfuxye baynoth emhoyo mqabıl du mamlo di Trump dımırle l’Zelenskij diktatör dlo kobıc dsoyım guboye b’Ukraina bu zabno du qrobo

İ klayto du rişono Amerikoyo Donald Trump mqabıl du bar’amnayde d’Ukraina Zelenskij qriho knufqo li holo uba mamle haroye dsımle, mırle l’Zelenskij diktatör dlo kobıc dsoyım guboye b’Ukraina bu zabno du qrobo. Calu mamlo d’Trump’ste, mahwe hfuxyo me gawe d’Amerika ume rişono frişe du Huyodo d’Urifi. Calathe’ste u rişqutno d’Fransa wu rişwazire d’Britania gıdmabdın socurutho l’Amerika leşan dloqın Trump.

20/02/2025

BRITHO – ‘En Zelenskij dobacwo dhodır a droşe bi Scudiye, kıtwole mkono dmıştawtıf. Elo Zelenskıj holucdo lo sımle şuğlo towo u labıc’ste dsoyım guboye gawonoye bu athro bu zabno du qrobo-hano qedomo d’diktatör’yo. A melani du rişono Trump, xlıqle hfuxye u zmomo rabo u mawdıc, meqım me kull mede-Zelenskij lo hadır cal dlatwe czimo la droşani di Scudiye.

Cala melani dmıstacmele Trump, u rişwazire d’Almanya u Britania mahwelın hfuxyo ubi şabtho dıbqamuthayna, gıdızze u rişqutno d’Fransa wu rişwazire d’Britania l’Woşington leşan dorşi i sbutho d’Ukraina camu rişono Amerikoyo. Bu zabno du camo Ukrainoyo’ste mawdaclın u ğamo dkıtte cala melani dmıstacmele Trump, mınyono celoyo d’senatore Qutnuthoye mawdaclın ilo thnihuthathe wu mşawrono di mşaynutho Athronoyto d’Amerika Mike Waltz mırle; U rişono kımhalıx b’darbo fawdo.

Lfuth i mawdconutho dhuwlın hın mabuce lu froshezwo d’Amerika NBC, Amerika gıdobo garanti di hadomutho d’Ukraina lu NATO, en dothe Rusya bu dactith d’dayşo u qyomo du şlomo-awkith xıd garanti di mşaynutho du athro. Elo lfuth Trump, lıkhoze dkito mkono lu cboro d’Ukraina lu NATO. U rişwazire Britanoyo gıdmqadım bi şabtho dıbqamuthayna plan d’Trump leşan dmaqnacle. Bu planano kito, dmişadır 30 alfo folhe Urifoye l’Ukraina leşan u duyoqo di mşaynutho u camathe’ste, gıdtolıb Starmer me Trump, d’Amerika klozım dımhadro a tayosyothayda du qrobo-en dothe Rusya d’dayşo a qyome.

Trump mawdacle la gelyunore, d’Rusya kubco dmitakle u qrobo wa warqe du tekliyo du qrobano bida’yo. U rişqutno d’Ukraina, Zelenskij’ste mfanele u mamlo u mırle; Britho kiba dımnaqyo beyn Putin, yaste dhowe şlomo. Kull noşo gıdomarwo kubcina şlomo. Elo Zelenskij labıc dnofıq b’qaşyutho mqabıl d’Trump u mırle; Amerika kmıhzoyo pragmatik wu Amerika’ste xıda athrawotho hrene kulle kubco şuşoto.

U rişono Amerikoyo thımle’ste Ukraina d’dışla u qyomo dmitahwe 50 ba mo da macdanayda l’Amerika wu hano rfid me Zelenskij dımkararle, dhuwe lo mdele cal hawxa şıkıl d’qyomo cam Amerika.