Hawi idico u rishwazire hatho du Irak

Mawdıc d’Callawi gıdsoyım i rişwazirutho du Cıraq, hol dmisım guboye hathe. Bebzabno hiw zabno d’yarho lu rişwazire hatho, dımbayın i şultonuthayde.

Lfuth u froshezwo ruşmoyo du Cıraq, u rişqutno Barham Salıh mbayanle athmıl Mohammed Tawfiq Callawi xıd rişwazire hatho lu athro. Callawi gıdsoyım i rişwazirutho du Cıraq, hol dmisım guboye hathe  u bıgawe d’yarho, klozım u rişwazire hatho dımbayın i şultonuthayde.

Salıh mbayanle Callawi, bıthır mıd a gabe folitiqoye du athro lo qadiri hani 2 yarhe dmıttafqi cal mraşho-bıthır mıd u rişwazire Cadıl Cabdıl Mahdi jbir dmıstacfe mcal fothe da hfuhye da mtagliyone dıksaymi protesto i aykanoyutho harıwto du athro. Mu zabno dımşarelın a tagliyothani, qtil hol 500 bnaynoşo ba taxtuşe dhawın cama hayle di mşaynutho du athro.

Lfuth u froshezwo, Callawi mawdacle dgımıstacfe mi wolithayde-en a gabe folitiqoye dmahti a mraşhathe la wazirwotho frişe du athro. Bebzabno Callawi sımle qroyto lu camo dımdawım ba tagliyothayde, hol dmitaqbıli a talabayde.

Elo, a mtagliyone kdrufdi u rişwazire hatho, cal dsımwole meqım i wazirutho du mtoyo bi şultonutho du rişwazire catiqo Nuri al Malıki u kmıthım bu snodo di siyase qşitho da Şica. Calathe ba tagliyotho dsimi adyawma, sim protesto Allawi. U Irak kışofıc adyawma bu kriz rabo dhawi bu athro, mu zabno di zoxutho dcala ghrobe marhıbone d’Dacış ba 2017.