Hawi yuqdono b’cito Arminoyto b’Stanbul. Qoyumo Tuma Çelik mawdacle d’hın sohude mathkarlın dhawiwo 3 furqoce heş meqım dhowe u yuqdono
U qoyumo du camaydan bu parlamento d’Turkiya Tuma Çelik frısle egartho u mawdacle u haşayde calu yuqdono di cito Armınoyto b’Stanbul. Bi egarthathe Çelik komır; Matilan u tebo mahişono d’Josefin Ekmekçi u Fehmi Atsup dımvayaclın a hayathe bu yuqdonano. Kubcina, dımqadmina a buyoaydan la yaqrotho da mithe.
STANBUL – Athmıl casriye, nqil 2 farsufe ma haye u 6 hrene mçarhi bıthır mıd qdiho i nuro b’bayto qariwo li cito Armınoyto Qatholiqoyto b’Karaköy d’Stanbul. Calu yuqdonano dhawi, mabde ucdo buhono leşan dmidoco i celthayde wa mşale tawdithoye di cito wu hasyo Levon Zekiyan, azzın li duktho du gedşo.
Calu yuqdonano’ste, u qoyumo du camaydan bu parlamento d’Turkiya Tuma Çelik frısle egartho u mawdacle u haşayde calu gedşano dhawi si cito d’Surp Pırgiç u dımkalafle a haye d’Fehmi Atsup-75 eşne u Josephine Ekmekçi-78 eşne.
Tuma Çelik mqadamle a buyoayde la yaqrotho da mithe ulu camo Armınoyo dkıtyo cayıd di cito Qatholiqoyto b’Turkiya u tlıble’ste hulmono la mçarhe. Elo Çelik’ste mawdacle, d’hın sohude mathkarlın dhawiwo 3 furqoce heş meqım dhowe u yuqdono.
Çelik mawdacle’ste, da yuqdonani latne mede hatho-cal ğer naqlat’ste mawqıd dukotho di slutho da Mşihoye b’Stanbul. Calathe i sbuthathe i harayto, ğalabe hasas’yo u kıtla ulsoyutho rabtho-en dothe dhuwyo sbutho dhçomo dcala Mşihoye ubu tarano’ste klozım dmisım buhone u dmitagle cali şrorutho.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
