Hawyo zalzale b’Turkiya u Suriya, qtil eba noshe sagi u hawi husrone rabe da bınyone

TURKIYA/SURIYA – Adyoma me safro kımnasina dmaydina tebe ma dukotho di zalzale dhawyo  b’Turkiya u Suriya. I zalzalathe dhawyo bu zabno da bnaynoshe dkıtwene damixe, matharla cala husrone noshoye u momunoye.

Bi mawdconutho dmıdlan me Holob hawi husrone da bınyone u hın ma shurone da citawotho dkıtlan hzelın husrono, u be bzabno kito mınyo d’3 farsufe mşihoye dımhasın bayndu mınyono rabo dkul qatinto kzoyıd.

Lfuth i mawdconutho dmıdlan me abuna qashisho Afrem, ha kohno fayesh tahte ha ma bınyone bi qritho di Caziziye qaruto l’Holob.

Bi Gozarto d’Bethnahrin bi Qamishli bi Hasake u ba dukotho hrene u camo nafıq ma bote dhiziwo mi zalzalathe.

Bu gabo d’Turcabdin ste a bote hizi elo hul ucdo lathilan tebe dhawi husrone bi fnithathe.

Elo bi fnitho d’Antakya u d’Adiyaman athilan tebe mahishone dkito mınyono ma mshihoye dkitne ba dukothani, lfuth i mawdconutho dmıdlan ma hadome du Platform d’NEHNA hın ma dukothe da mshihoye shifi xıd Samandag u xeyr, u be bzabno hın ma morathe mfayace a hayathe bu zabno dmaliwena acmaye.

Bu sabah büyük bir depremin memleketimi vurduğunu büyük bir üzüntüyle öğrendim. Yetkililerin hızlı bir şekilde yardım sağlayacağını umuyorum. Geçmiş olsun #Türkiye #Hatay #Samandağ pic.twitter.com/cyTM8Jsxnj

— Ferit Yuhanna Tekbaş (@ferit_tekbas) February 6, 2023

Bi mawdconutho dmıdlan mi mdabronitho d’Sfaryawmo d’Sabro mawdacla dhın ma moreyda ste mfayaclın a hayathe bu gabo d’Adiyaman. Me gabo hreno mnaselan dmotina li mcalyutho Mor Gregorios Malke Ürek u hasyo di marcitho d’Adiyaman u hedora elo hul ucdo lo matinale, metul dıkmitamır da shurone di Cito d’Mor Fetrus nafili.  Bu gabo d’Skandarun ste hın ma bınyone da citawotho nafili.

Bu zabno dkıthwiwena u tebano athilan tebo mahishono du ahuno du hawreydan Aziz Malke fayısh tahte ha ma bınyone d’Antakya cami Barthzawgeyde bram kito sabro dmtaxılsi me tahte du bınyono dı shif.