Hfitutho claymutho Suryoyto Bağdede
Li hfituthathe mıştawtafle tlotho hsayo u menyono celoyo d’kohne cam kunoşo rabo mu camaydan di daşto.
U şutoso dıkqore ruhe “i claymutho du lqoyo da n’abne du şlomo” mtayabla bu şuroyo du tahrahno, hfitutho ruhonoyto udi feshutho la n’abne di marcitho d’Mawsal ud’hedora di cito Suryoyto Ortodoksoyto.
İ hfituthathe dımtaybo bi dayro d’Mor Yuhanna Aldulaymi dkıtyo i dayro da Suryoye bi mditho d’Bağdede, mşarela b’qurobo alohoyo dımrayşın ma tloth hsayo Mor Niqodimos Dawud Matti Şaraf dkıtyo u rişono di marcitho d’Mawsal, u rişdayro d’Mor Matta hasyo Mor Timothawos Musa Alşamani wu mşawrono fatıryarxoyo Mor Ğriğoryos Saliba Şamcun u 13 kohne baynothaye xuroye u dayroye u kunoşo rabo mu camaydan di marcitho Suryoyto di daşto d’Ninwe.
Bıthır mathe, i claymutho Suryoyto du lqoyo da n’abne du şlomo mtayabla tahrazto di feshutho cam turgome u mamle kenşoye u yulfonoye bu wahdo di dayro d’Mor Yuhanna Aldulaymi.
Ubu huthomo di hfituthathe, i claymutho Suryoyto maftela fotha lafu mazar d’qadişto Barbara dkıtyo bi qastra d’Karamles, laşan dmaydi i boruktho di qadişto.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
