Hiw turgomo calu Sayfo d’1915 b’Rijssen Hollanda
U mawtbo di cito Suryoyto ortuduksoyto di mdito d’Rijssen d’Hollanda mhadarlın turgomo cali sbutho du Sayfo dhawi calu cameydan. Bu turgomano i malfonitho Nurgul Çelebi mahkela cali taşcitho du Sayfo u hula mathlo aydarbo i qaşto cbiro dhuyo maşılmonitho.
RIJSSEN, Hollanda – Ba yawmotho d’şaficina u mawtbo di cito d’Mor İğnatiyos nurono dkıtyo bi rişonutho d’Minaz Çitgez camu qaşathe Zaki Dağ mhadarwolın turgomo calu sayfo dımcazamwolın malfonitho Nurgul Çelebi dkıtyo mbahnonitho cala sıbwotho du Sayfo u xeyr sıbwotho maktabzabnoye.
Bu turgomo i malfonitho Nurgul çelebi mahkela calu qtolğınzo dhawi calu cameydan bi şato da 1915, u bıthır hula u mathlo dkito bi iqartheyde dkıtyo kurdoyto. Bu mathlano mahkela aydarbo i qaşteyda dkıtwa Suryoyto cbiri dhuyo maşılmonitho.
İ malfonitho Çelebi bu tehkiyeyde dcalu Sayfo mahkela cala teştcınye dimi bu zabnawo dkıtwolın nişo dı quşci a Suryoye u mşihoye du qlimowe.
Lu turgomano hadırwo u camo dmıştawtafwole li slutho u baynothaye abuna qaşişo Elyas Basmaci dkıtwe u kohno dmeqım di cito d’Rijssen. U turgomano dı fayıt bmuzoğo tawo maqbalwo mu camo u hze mawthrono.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
