27/08/2021

Hiw u qurbono qamoyo lı grub dı nacime mu camaydan bi qastra d’Telkepe

Bi daşto d’Ninwe dıfqıhlın eba a haye me hatho, hiw u qurbono qamoyo lı grub dı nacime mu camaydan bi qastra d’Telkepe.

Lu zawho du tehwiyo du fağro qadişo, mıştawtafle hsayo, kohne u kunoşo rabo du camo mhaymno.

 I qastra dı Telkepe hawyo hiyaste sohudto li Mşihoyutho dmawraqla m’hatho ba fenyotho makthabzabnoye du camaydan di daşto d’Ninwe bu garbiyo du Iraq.

I cito Kaldoyto du Lebo mqadşo d’Yeşuc bı Telkepe, mtayabla zawho ruhonoyo laşan dmitahwe u fağro wu admo qamoyo d’Moran Yeşuc Mşiho l’10 nacime ma n’abne u bnotho du camaydan dıdaciri l’Telkepe.

U zawhano dımrayşanle u hasyo di marcitho d’Mawsal ud’Caqra di cito Kaldoyto Mor Mixayel Nejib, mıştawtaflele qaşişo Şaher Nuri, qaşişo Antuwan Zitona, u kunoşo rabo mu camaydan baynothaye a’yaqrotho da 10 nacime dımqadamlın lu rozo du fağro mqadşo.

Hathe inaqla qamaytoyo dıkmitahwe u fağro qamoyo la nacime du camaydan dı Telkepe, bıthır mdıkbişowa i daşto d’Ninwe ma grube marıhbone dı Dacış bi şato da 2014, udıçbırwo u camaydan di daşto dımgalwın ma fenyothayde.

Check Also

Mor İğnatiyos Yusıf Tlithoyo Yunan hawile ytawto bu Vatikan

İ qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan…